Thun bac 2020-2021 lac thun bac ka 2 TPHCM peih bruk pilih ruah anek saih dom tal bac akaok pakat tui jalan online. Tapa 2 thun peih ngak, bruk ini hu daong ka bruk tut angan pilih ruah di amaik ame saong anek saih hu mbuan lagaih jang, tapa nan paglaong bruk khik iek di dom sang bac.

Adit tapa, Kapul urang ngak bruk di Quốc hội kayua Phaok Akaok Quốc hội Phùng Quốc Hiển pal akaok kapul hu nao tapak tal labik ngak bruk piah pasang iek bruk peih ngak danak dak Sang mac điện aia harei Trung Nam - Thuận Nam 450MW pambuak haong balai biến áp 220/500kV saong jalan talei 500kV, 220kV di xã Phước Minh, huyện Thuận Nam, tỉnh Ninh Thuận.

Pilih bruk ngak piah bac yau habar ka nyu lagaih haong hatai takre jeng ye prein bac di dei lac bruk suh sah di jaik abih anek saih tal 12 anak mbang pakacah THPT. Urang vak Minh Hường hu kadha vak ndom ka bruk ini piah ka dom amaik ame saong dom adei anek saih hu thau cambaih jang:

Iek ruak, taong ruak meng atah nan lac sa caong khin biak biai dalam bruk mong iek pren yava di bhap bani, di dom urang prong thun, hu ruak meng dahlau mai. Abih di nyu lac dalam tukvak pa-atah di gauk kayua ruak Covid-19, bruk caong khin nan dak glaong jang. Pambak tame bruk ứng dụng hu blaoh, bahrau ini, pasak Y tế quận Gò Vấp, TPHCM hu peih ngak iek bruk iek ruak di sang, meng nan paglaong hatai jia di bhap bani ngan haong labik iek ruak di phường xã.

Meng tuk Mentri Ilamo – Padhih saong rivang me-in ba tabiak danak dak “Urang Việt Nam nao rivang ma-in dalam Việt Nam”, piah pachreih bruk nao rivang ma-in dalam negar hadei di jit prong Covid -19, dom baoh panuac “trun yaom”, “pachreih blei” gam haong dom tour, combo rivang dalam megar hu dom doanh nghiệp ngak mbang gah ba menuac nao ravang me-in pakacah gauk meyaih khan tal tuai damuai. Taphia dom danak dak dui pachreih, yaom lap, anak meta mboh lac, jeng daok hu dom doanh nghiệp pachreih tuai damuai tui jalan cakak meneng dom dịch vụ atau dịch vụ oh ka siam.

Ban raya HCM daok tame bilan hajan – jeng lac tuk bhian rah tabiak dom bruk yau phun kayau jaleih, klaoh talei điện. Piah khik salamat ka bhap bini, dom gah chức năng di Ban raya daok pataom tame pasang iek dom jalan talei điện piah trun biar di abih dom bala kayua điện. Kadha vak di Vinh Quang, urang vak di rayo sap ndem Viet Nam daok di Ban raya HCM hu khan brei thau ka bruk nan:

Tuk vak tapa, bruk khik iek uranaih, jang yau bruk pacang caga bala mblung aia, bala ba tal rambuis di uranaih hu dom pakat, dom jabat, karja puk palei di tỉnh Phú Yên sangka tal, peih ngak biak siam. Yau nan min, bruk mbuan mblung aia di uranaih, abih di nyu lac dalam bilan hè jeng daok biak praong, meyah kurang dom jalan pacang caga.

Bruk klaak harak pambuak bruk ngak…oh hu tukvak ngan saong viên chức meng di tuk birau ba tabiak hu manuac sia njauk hatai kayua lac tapa nan hu rik daong patrun bruk viên chức alah ngak bruk, ba tabiak dom urang takik ilamu ngak bruk, gam tui nan pachreih urang ngak bruk siam lagaih, kein laba, khik urang naih joi daok veik ngak bruk.

Labaih 5 thun dahlau, xã Khánh Lâm, huyện U Minh, tỉnh Cà Mau hu baoh sang kathaot meblah 34% saong hu maong lac xã kathaot abih di tỉnh Cà Mau. Yau nan min, harei ini, meng rilo bruk ngak mbang mek hu kein lagaih, bhap bini xã Khánh Lâm dak harei dak kaya meda. Bhum taneh kathaot ini yau hu cuk tagok rup blah ao bahrau, daok caga taduan Harak pok brei angan xã Palei pala birau. Trần Hiếu – urang vak di Rayo sap ndem Viet Nam daok di bhum taneran kraong Cuu Long hu kadha vak brei thau ka bruk ini:

Di bhum palei pala dalam tỉnh Bình Thuận urak ini hu 58 danak dak pabak ia praong hu prein khang labaih 61 ribau mét khối sa harei melam, pabak ia ka labaih 48% bhap bini di palei pala dalam tỉnh. Yau nan min, kayua dom danak dak padang ngak meng lavik, sit, padang takik ia, mek ia ala taneh, ia craoh, danao sit yau nan ye oh ginup ia di bilan pandiak bhang. Rilo danak dak pabak ia praong oh ka hu buh jien tame ngak ka nyu khang, oh ka peih praong jalan nding raok ba ia yau nan ye oh pabak ginup ia pandar ka bhap bini. Đoàn Sĩ urang vak di Rayo sap ndem Viet Nam daok di Ban raya HCM hu kadha vak brei thau ka bruk nan di huyện Bắc Bình, tỉnh Bình Thuận: