Meng rilo thun tapa, ban raya HCM hu mek veik yaok pluh ribau hécta taneh di palei pala saong di ban raya piah qui hoạch, padang ngak saong peih praong ban raya. Tapa nan, yaok pluh rabau rahra njauk klaak sang danaok, bein pala piah duah labik tái định cư. Bruk caong hu sang daok veik lac biak praong, TPHCM jeng hu padang biak rilo sang tái định cư. Min hu sa bruk njauk biai nan lac rilo sang daok dalam sang taik tahak kayua oh hu atau hu suất tái định cư min oh khin tame daok. Urang vak Ngọc Lê – Tỷ Huỳnh hu kadha vak ndom ka bruk ini:

Meng dalam mesruh metak tal saman sron mbon, rup binguk Bộ đội Wa Hồ tuk halei jeng kak kajap haong bhap bini bangsa takik… Urak ini, dom urang lin Biên phòng dalam huyện Cù Lao Dung, Trần Đề saong ban sit Vĩnh Châu, tỉnh Sóc Trăng tuk halei jeng daong ka mikva patagok bruk ngak mbang, pala drak, patruh eik patrun kathaot, padang ngak palei pala bahrau… tuk halei jeng lac rup binguk biak bhian randap ngan saong bhap bini daok pak ini.

Khu Khik ramik thiên nhiên Lung Ngọc Hoàng praong yaok ribau ha daok dalam xã Phương Bình, huyện Phụng Hiệp, tỉnh Hậu Giang, nan lac labik khik ramik đa dạng sinh học gheih abih dalam negar urak ini. Dalam vaktu suai lavik, tal bilan thu, bruk pacang cakak khuah glai tuk halei jeng hu Ban khik iek Khu khik ramik ba tagok dang akaok, meng nan bo 9 thun tapa labik ini oh ka rah tabiak mbang khuah glai halei.

Bilan thu di bhum Tây Nguyên saong nam bộ bhian dui atah tal bilan 4. Kayua yau nan ye, tukvak anak tal tui kuhria mboh dahlau, langik daok rilo kanjah jhak ngak kan kandah tal bruk pacang khik glai saong mbuan ba tal khuah glai. Dom po glai njauk ba tabiak jalan ngak piah pacang khuah, padam khuah glai, piah patrun khat lahik kayua khuah glai.

Lac sa dalam dom tỉnh gaok kan kandah trak di tua riya pandiak bhang saong njaom mbak. Min, meng thau kuhria caga meng avan, abih di nyu lac peih bruk trun pajaih avar vụ Đông Xuân saong oh pala drak vụ 3 hu daong ka rilo mblang taneh ngak nong di tỉnh Sóc Trăng plaih hu khat lahik meng bala di langik tasik.

Urak ni dalam tỉnh Vĩnh Long ka oh mboh urang halei njom virus Corona, tok bharau hu dom urang mboh medil daok hu tui iek saong brei daok karei. Dalam tuk nan bruk pacang caga jit ruak daok hu dom gah jakar tỉnh Vĩnh Long peih ngak khang piah patrun njom mbak tuk hu jit ruak tamuh tabiak.

Di tỉnh Kon Tum, dalam labaih 292km jalan tapen nagar pambuak haong nagar Lào saong Campuchia lac labik biak hu makna tuk “sa sap menuk kanjaot klau nagar jeng mehit”. Di labik ini dalam thun 2007, sa mbaik jamang di 3 nagar hu padang ngak saong ngak blaoh di thun 2008. Jamang nagar lac gamnu di hatai jum pataom dalam bruk padang jalan negar siam mekre, salamat di 3 negar Việt Nam- Làos- Campuchia.

Kayua jit ruak Corona, Trung Quốc takik blei kaya nong di Việt Nam. Abih di nyu nan lac arieng - sa dalam dom pandap mbang hu drak pasa Trung Quốc biak takre dok trun yaom khang, saong dom urang pablei salih rieng jeng padeih blei kayua oh hu labik piah pablei. Trần Hiếu – urang vak di rayo sap ndom VN dok di bhum taneran krong CL hu kadha vak ndom ka drak pasa arieng di tỉnh Cà Mau:

Meng tuk tabiak rai tal urak ini, papar sap jeng daok lac jalan khan brei thau praong dalam di abih, darah samar di abih ngan saong bhap bini. Abih di nyu nan lac dalam tuk hu bala meng langik tasik, hu jit ruak saong dom kadha karei karei, dalam tuk khau tin daok srau kadau… papar sap tuk halei jeng lac labik brei thau njauk di abih, tantu cambaih laih di abih, dalam nan dom loa phát thanh di dom phường, xã lac labik siam lagaih piah ka bhap bini thau cambaih bruk di puk palei, di taneh ia. Di tuk pahadar harei papar sap Dunya (World Radio Day) 13/2, kayua nyom biai di UNESCO ba tabiak

Meng hatai caong rairah dalam dara oh var nao ragam tamnia meng kan di bangsa drei, meng rilo thun tapa di palei Hữu Đức, xã Phước Hữu, huyện Ninh Phước, tỉnh Ninh Thuận, dom tal pato bac tamia Cam hu peih tabiak. Bruk njauk biai nan lac dom tal pato tamia nan dui pachreih hu rilo dam dara dalam palei. Tapa dom tal pato tamia, hu daong ka dom adei thau jang dom ragam tamia Cam gheih mekre, saongv daok daong khik ramik ilamu Cam dalam bhap bini puk palei.