Mesup harei 6/1/1975, hala dok cách mạng hu tual tagok tabung Dinh Tỉnh trưởng Phước Long. Ini lac kadha praong dalam chiến dịch bilan bingu thun 1975, peih paha gah meraong negar, yasa taneh ia. 45 thun hadei di harei peih paha, meng bhum taneh bak mbom, siu, harei ini Phước Long hu salih bahrau biak samar, jeng sa labik cakrok di tỉnh Bình Phước. Thiên Lý, uang vak di rayo sap ndom VN daok di ban raya TPHCM hu kadha vak “Taneh apui” Phước Long oh ndih var angaok jayah, da-a mikva saong taong abih gauk tui pang:

Lac palei daok rah tui Jalan Roya 1A hu biak rilo sang pablei salih sit sot, rilo kuan mbang menyum, UB bhap bani bal sit Lương Sơn (huyện Bắc Bình, tỉnh Bình Thuận) thau lac bruk pathau khan hu yaom biak prong piah pacang, caga jit Covid -19. Meng ngak siam bruk pathau khan bo mbang mesruh pacang caga jit Covid -19 hu bruk pachreih tui di bhap bani pak ini, dalam nan hu rilo baoh sang urang Cam.

Dom harei tapa, bhap bani Cam An Giang gam haong dom bangsa adei sa-ai karei dalam tỉnh sa hatung hatai haong gauk kham merat pacang caga jit ruak Covid-19. Oh lac ngak siam bruk daok atah di gauk, bruk anit ranam gauk, daong ba gauk dalam bhap bani tuk halei jeng hu patagok, manuac urang sangka daong ba gauk yam tapa kan kandah

Mbang taong prong pacang jit covid 19 tui tacei pato di Raja-ei: Dak kan kandah, dak ngak khang saong samar drah, sa hatung hatai haong gauk, jhul kadhul likuk jit ruak, daok hu taong abih bhap bani dom kapul nyaom chính trị xã hội dalam negar hu mbaok tame.

Dom harei puac bilan 4 ini, mikva urang Cam Bàni di Ninh Thuận, Bình Thuận uan raok Ramưwan. Dalam tuk nan, urang Cam di An Giang, Tây Ninh, Đồng Nai, Bình Dương, ban raya Hồ Chí Minh tame bilan eik Ramadan. Kayua jit ruak Covid-19 rah tabiak srau kadau nan ye harei uan raok (meng harei 22 tal harei 24/4) saong bilan Ramưwan haong bilan eik Ramadan thun 2020 ( meng harei 25/4 tal harei 25/5) di bhap bini Cam oh daok rah tabiak dalam chreih chrai, bui sambai yau dom thun dahlau.

Tal urak ini, lac jaik 3 bilan anek saih dalam negar njauk brei padeih bac piah pacang caga jit Covid-19. Dalam tukvak brei daok atah gauk tui Chỉ thị ka 16 di Thủ tướng Raja-ei ye dom labik pataom rilo manuac yau mblang bein, mblang caoh mbanh, labik ma-in sambai… brei ka uranaih jeng kareik pabah mbang. Yaok baoh sang, thei jeng mong mboh hu dom kanjah jhak di jit prong nan ye kakei anek bhik di drei daok pak sang piah pacang caga jit ruak. Yau nan daok pak sang hu hagait bui sambai?

Ramưval thun 2020 di bhap bani Cham Bàni saong Islam di Ninh Thuận rah tabiak dalam dom harei 22, 23 saong 24/4. Dalam tukvak jit ruak COVID-19 daok rah tabiak srau dhau, mbuan njaom mbak glaong dalam bol bhap rah ra, tui panuac ieu di UB bhap bani tỉnh Ninh Thuận, Hội đồng Po Gru gah Bà ni brei padeih dom bruk ngak adat, peih bruk mbang amuk akei biak mbuan mbiah, patak pataom piah hu bilan eik Ramewan siam mekre. Kadha vak di Công Thử, urang vak di Thông tấn xã Việt Nam:

“Radaih kua” lac sa dalam dom janih pajeng manuac bhian randap di negar drei saong lac sa bruk ngak di dom urang kan kathaot atau oh thau bruk hagait piah ngak duah jien. Dalam dom janih pajeng tuai ye radeih kua oh hu jabat halei khik ramik, lingiu di janih radaih kua công nghệ. Dalam bilan jit ruak ni, raidiuk di dom urang peih radieh kua gaok biak rilo kan kandah, saong mbuan njom mbak ruak.

Ba tangin tame haong taneh ia peih ngak dom jalan pacang jit Covid-19, dalam dom harei tapa, bhap bini daok rah tui jalan tapen nagar haong Campuchia di tỉnh Bình Phước ba abih prein yava, hatai jai tabiak gam haong karja palei ngak njauk dom jalan pacang caga jit hu siam lagaih.

Phan Dũng lac xã bhum glaong di huyện Tuy Phong, tỉnh Bình Thuận – labik hu rilo bhap bini bangsa Raglai daok. Dalam 2 mbang mesruh taong Prang saong taong Mỹ, bhap bini daok pak ini gaok rilo rambah rambup, glaih glar, min oh klaak ceik, glai, yaom lac kurang lisei, kurang sara, njauk mbang bei, mbang rabung… min abih gauk jeng sa hatung hatai tui Đảng, raong, pacang urang lin cách mạng, abih drei hu mbaok tame khik caga puk paga, palei negar. Tuk taneh ia sron mbon, gah barak gah meraong tame sa baoh negar, bhap bini Raglai daok ba gauk rik prein yava tame haong karja palei dak padang raidiuk bahrau. Di tuk pahadar 45 thun harei peih paha tỉnh Bình Thuận (19/4/1975-19/4/2020), da-a mikva saong taong abih gauk mai ravang palei urang Raglai tapa kadha vak di Đoàn Sĩ – urang vak di rayo sap ndom VN daok di TP.HCM: