Urak ni dalam tỉnh Vĩnh Long ka oh mboh urang halei njom virus Corona, tok bharau hu dom urang mboh medil daok hu tui iek saong brei daok karei. Dalam tuk nan bruk pacang caga jit ruak daok hu dom gah jakar tỉnh Vĩnh Long peih ngak khang piah patrun njom mbak tuk hu jit ruak tamuh tabiak.

Di tỉnh Kon Tum, dalam labaih 292km jalan tapen nagar pambuak haong nagar Lào saong Campuchia lac labik biak hu makna tuk “sa sap menuk kanjaot klau nagar jeng mehit”. Di labik ini dalam thun 2007, sa mbaik jamang di 3 nagar hu padang ngak saong ngak blaoh di thun 2008. Jamang nagar lac gamnu di hatai jum pataom dalam bruk padang jalan negar siam mekre, salamat di 3 negar Việt Nam- Làos- Campuchia.

Kayua jit ruak Corona, Trung Quốc takik blei kaya nong di Việt Nam. Abih di nyu nan lac arieng - sa dalam dom pandap mbang hu drak pasa Trung Quốc biak takre dok trun yaom khang, saong dom urang pablei salih rieng jeng padeih blei kayua oh hu labik piah pablei. Trần Hiếu – urang vak di rayo sap ndom VN dok di bhum taneran krong CL hu kadha vak ndom ka drak pasa arieng di tỉnh Cà Mau:

Meng tuk tabiak rai tal urak ini, papar sap jeng daok lac jalan khan brei thau praong dalam di abih, darah samar di abih ngan saong bhap bini. Abih di nyu nan lac dalam tuk hu bala meng langik tasik, hu jit ruak saong dom kadha karei karei, dalam tuk khau tin daok srau kadau… papar sap tuk halei jeng lac labik brei thau njauk di abih, tantu cambaih laih di abih, dalam nan dom loa phát thanh di dom phường, xã lac labik siam lagaih piah ka bhap bini thau cambaih bruk di puk palei, di taneh ia. Di tuk pahadar harei papar sap Dunya (World Radio Day) 13/2, kayua nyom biai di UNESCO ba tabiak

Meng hatai caong rairah dalam dara oh var nao ragam tamnia meng kan di bangsa drei, meng rilo thun tapa di palei Hữu Đức, xã Phước Hữu, huyện Ninh Phước, tỉnh Ninh Thuận, dom tal pato bac tamia Cam hu peih tabiak. Bruk njauk biai nan lac dom tal pato tamia nan dui pachreih hu rilo dam dara dalam palei. Tapa dom tal pato tamia, hu daong ka dom adei thau jang dom ragam tamia Cam gheih mekre, saongv daok daong khik ramik ilamu Cam dalam bhap bini puk palei.

Uy mban bhap bini Ban raya HCM birau ba tabiak bruk kham pato bruk ngak ka labaih 6.400 urang ngak palei pala di Ban raya HCM thun 2020, dom urang duah hu bruk ngak hadei di bac blaoh lac labaih 85%. Dalam tuk bruk salih brau tui cong nghe 4.0 , bruk ba công nghệ tame pato bruk ngak ka urang ngak di palei pala pak dom bhum palei daok hu urang ngak praong di Ban raya HCM sangka.

Bilan thu thun 2015 -2016 maong yau lac pandiak tua riya, njom ia mbak trak dalam luac 100 thun tapa. Yau nan min, mbang pandiak bhang, njom ia mbak bilan thu thun 2019 -2020 hu dom urang ilamu mboh lac meda trak kan kandah jang.

Tui jalan ngak lac “kuhria tal bruk kanyah jhak di abih piah ka bruk kanjhah jhak oh rah tabiak; kuhria tal bruk jhak jang piah bruk rah tabiak oh jhak nao”, Phó Thủ tướng Vũ Đức Đam- Akaok mban tacei jalan pakat negar pacang caga jit ruak viêm jalan suak yava cấp kayua chủng bahrau di nCoV brei pasang iek catang bruk cách ly, brei daok karei, abih di nyu lac sangka tal bruk tame Việt Nam didom urang hu nao tapa labik hu jit di Trung Quốc dalam 14 harei mai ni. Gam song nan lac rilo jalan song panuac kakei meng gah Y tế bo khol hulin hu payua tal mikva song tong abih gauk tapa kadha vak hadei ni:

Yaok ribau tấn baoh kayau daok ndih cang di bhum taphia negar dalam harei akok meti dua gah Viet Nam saong Trung Quốc padeih pablei salih pandap piah patrun patakik bruk njom mbak di pacang jit ruak corona. Rah tui labaih 230 km jalan bhum taphia negar di tỉnh Lạng Sơn tuk ini, dom gah biên phòng, hải quan, pasak duk iek jit ruak dunya daok ba abih prein khang tame pacang jit ruak di 12 pabah mbang praong sit:

Luac 90 thun tapa, bhap bini tuk halei jeng abih hatai ngan saong Đảng. Meng hatai jia nan, Đảng pamedeih tagok saong pataom prein khang taong abih bangsa mek hu jayak praong hu makna dalam sajarah dak rai. Dalam bruk salih taneh ia harei ini, bhap bini abaih hatai tui Đảng, jum pataom piah ngak bruk dân chủ, ba taneh ia yam tagok. Abih di nyu nan lac, meng tuk Đảng kham ramik pasiam Đảng saong dom jaln pacang caga bruk tham nhũng tiêu cực, langyah dom rajakar, urang đảng ngak suan, taong abih brei kaoh tui hukum yau gauk, bruk ngak hu – bruk ngak suan ngak brei ka bhap bini hu mboh blaoh jia tame. Lại Hoa urang vak di Rayo sap ndem Viet Nam hu kadha vak khan brei thau ka bruk ini: