Vaktu akaok dom thun 1990, piah nao tal xã Lý Nhơn di huyện bhum tasik Cần Giờ njauk brei ndih kapal di Cảng Sài Gòn meng subuh page, tal biar harei sup meng nao tal pasak xã. Meyah nao ban sit Cần Thạnh daok atah pasak jaik 60km jalan, peih meng radaih oto praong jeng abih meng 4 tal 5 mong kayua cang phà Bình Khánh saong phà Dần Xây. Daok Củ Chi lac huyện kan kathaot abih di Ban raya HCM…

Dom harei akok thun birau anek sak Tikuh, yaok pluh gilai taong chap ikan tasik atah di tỉnh Bà Rịa -Vũng Tàu hu tabiak tasik. Dom mbang tabiak tasik akaok meti tuk halei jeng hu makna praong glaong, peih akok ka 1 thun birau caong khin hu hajan siam hangin lagaih, mek hu hadang, ikan biak rilo ka mikva urang nao tasik. Da-a mikva saong grauk ayut ba drei tame bui sambai saong bhap bini bhum tasik tapa kadah vak di Quang Vinh:

Jit ruak viêm phổi cấp kayua anek ruak birau di virus Corona daok rah tabiak dalam kan kandah. Yaom lac taneh ia drei hu 2 urang njom ruak min bruk nan daok hu pasang iek siam ngan saong dom jalan pacang caga glaong jang duk saong panuac kakei, hu peih ngak drei yau jit ruak rah tabiak blaoh. Yau min, urak ini angaok mạng xa hoi hu ba dom khaw tin oh njauk ka jit ruak dalam negar drei, ngak ka manuac sia mboh huac. Yau nan Việt Nam daok pacang caga jit ruak viêm phổi cấp kayua chủng bahrau di virus Corona nan yau habar?Kadha vak di Văn Hải brei thau ka bruk ini:

Uh pandiak atau la-ar meyah ngak njauk nyu daong trun pandik, barah biak samar, abih takik tuvak jru ruak saong drah dhit. Tui ruak trak atau hanjol saong iek tui tuk nan bo brei uh pandiak atau la-ar. Bhian di nyu njauk uh la-ar tuk birau pandik saong uh pandiak tuk pandik suaI lavik. Kadha “Urang iek ruak” adit ini, khol drei pang tacei pato bruk uh la-ar saong pandiak

Beir harei puac bilan liar, tuk ia harei tame ceik glaong labik gah canah klau jalan taphia negar, bhum taneh Sa Loong, huyện Ngọc Hồi, tỉnh Kon Tum laik la-an.. Langik la-an tal khang tangin takai, min khol hulin jeng mboh yau laik tame kreh labik joa lange tal takai lingik. Di dom puk palei, gom daok hadah tagok, min bhum tapen negar Sa Loong jeng daok joa kandang tui takai yam di urang lin Biên phòng. Urak ni lac tuk parilo dom mbang nao piah ba bui sambai tal puk palei di tapen negar

Ariya Cam, lac inem krung hu yaom glaong di urang Cam, lac bruk hadah mbaok meta di 1 bangsa min daok dang anak bruk mbuan lahik nao. Piah khik ramik saong patagok bruk puac Ariya di urang Cam, thun 2017, Pasak roh duah ilamu Cam tỉnh Ninh Thuận hu peih ngak danak dak roh duah, ghi âm dom ragu puac Ariya Cam di dom palei Cam dalam tỉnh. Ini lac jalan peih tabiak praong piah ka tỉnh Ninh Thuận pasiam harak gar hồ sơ pok tagok Mintri Ilamu, Thể thao saong Du lịch brei angan puac Ariya di urang Cam lac inem krung ilamu phi vật thể pakat negar. Kadha vak di Aí Nghiêm, urang vak di Rayo sap ndom Việt Nam daok di ban raya Hồ Chí Minh brei thau ka bruk ini:

Piah ka dom panuac puac Ariya dui pachreih urang pang, urang puac Ariya brei hu sap bingi pang, hu glo akaok hadar kanal kayua nyu biak atah. Urang puac Ariya lingiu di bruk lac menuac dak dalikan, daok lac menuac ba ilamu tal bhap bini. Meng nan, pachreih urang ba tangin tame gam khik ramik Ariya. Piah daong ngak ka Ariya oh lahik nao, hu urang lac njauk duah jalan pasiam veik văn bản klaak meng công nghệ bahrau, Piah ngak brei cambaih laih bruk nan, dalam bruk ndom biai nao mai harei ini, kol dahlak hu da-a ong Inrasara, lac urang cuak Ariya, urang roh duah ilamu Cam daok di ban raya HCM haong dom nghệ nhân bhap bini Hán Thị Thiết, ong Phú Vận saong amuk Đổng Thị Rõ mai meng tỉnh Ninh Thuận ndom biai ka bruk nan:

Di ban raya HCM urak ni hu labaih 10.300 urang Cam, rilo meng lac tui agama Islam. Yaom lac dok pablak haong dom bangsa adei saai karei yau: Kinh, Khmer, Hoa…min urang Cam jeng dok khik hu ilamu di drei. Urang Cam ban raya tuk halei jeng khik ramik bruk pato sap ndom, haroh cih Cam ka anek kamuan di drei. Ni jeng lac jalan piah khik ramik ilamu di urang Cam, rik dong tame bein ilamu dom bangsa di ban raya HCM. Piah thau cambaih jang ka bruk khik ramik song patagok sap ndom panuac puac Cam dalam bhap bini urang Cam di ban raya HCM , daa mik va song tong abih gauk pang kadha vak hadei ni di urang vak di rayo sap ndom Viet Nam dok di ban raya HCM:

Meng hatai sahneng salih bharau, jaik di ini, rilo dam dara urang bangsa takik khang hatai padang mbang ngui saong jak jeng meng dom janih pandap ndung bak yaom glaong meng kan di palei drei. Gam haong bruk ngak kaya meda ka rup drei, dom urang nan daok hu ba bruk ngak ka urang karei duah hu jien. Di harei akaok thun bahrau, da-a mikva saong taong abih gauk duah thau bruk padang mbang ngui ngak kaya meda di dom dam dara bangsa takik daok di dom tỉnh ban tapa kadha vak angaok Tạp chí Dân vận: