Krong Sài Gòn oh lac labik gheih, mekre bo dok ba mai yaom glaong gah kinh tế, jalan mbak nao mai, du lịch di ban raya Hồ Chí Minh. Yau nan min, dalam tuk đô thị hóa nyu ngak jhak oh sit tal krong Sài Gòn, ngak kan kandah tal rai duik di bhap bini. Kadha vak hadei ni di urang vak Duy Phương, dok di ban raya HCM hu ndom tal bruk ni

Piah dong ka urang jakar, urang ngak bruk karja thau hu sap ndom, akhar haroh saong song dom ilamu, adat cambat tanarakun di urang Chăm, tỉnh Ninh Thuận hu peih tal pato sap Chăm ka dom urang jakar, urang ngak bruk karja dok ngak bruk di dom puk palei hu rilo bhap bini urang Chăm dok. Tapa nan, urang jakar, urang ngak bruk karja thau ndom puac, ba mbuan lagaih tuk taom gaok, rik dong siam bruk pathau khan sarak di Đảng, hukum di karja ka bhum bangsa, bhum ceik. Kadha vak di Nguyễn Thành hu dong ka mik va song tong abih gauk thau cambaih jang ka bruk ni.

# Pathau mik va song tong abih gauk! Dalam thun 2018 saong 9 bilan akaok thun 2019, yaom thanh long tuk halei jeng glaong BIAR duk saong dom thun dahlau. Dom harei jaik di ini, tuk thanh long oh hu darak pasar Trung Quốc blei, yaom thanh long trun biak lap. Min, yaom lac thanh long gam gam trun yaom biar, bhap bini jeng daok pala, daok peih praong taneh pala. Kadha vak di Kiến Văn angaok báo SGGP ndem ka bruk ngak cagar yau nan:

Piah khik ramik gen dom janih bimao Linh chi quý, saong peih tabiak bruk patagok kinh tế bahrau meng phun bimao Linh chi ka bhap bini, Ban Khik ramik bein pakat negar Phước Bình (Ninh Thuận) dok pambuak bruk song dom jabat ilamu roh duah, khik ramik dom gen ni .Kadha vak hadei di ni di Nguyễn Thành ndom ka dom bruk roh duah siam lagaih ni .

Atah di ni 20 thun, labik bimon kalan Mỹ Sơn, tỉnh Quảng Nam hu UNESCO pok brei angan lac inem krung ilamu dunya. Bimon kalan inem mek ni taduan hu bruk dong ba di dom kapul dunya, yaok rituh chuyên gia dok dalam song langiu negar mai roh duah, dong ba song pasiam veik … Rilo nyaom bimon kalan meng lavik mai hu pasiam veik jiak tamo abih. Kadha vak di urang vak Hoài Nam khan veik dom bruk njauk caik hatai dalam tuk vak 40 thun pasiam veik inem krung Mỹ Sơn:

Darak paar taneh riya tapen tasik di Bình Thuận tukvak tapa daok tamuh khang, pachreih hu rilo sangka di urang buh jien tame ngak mbang. Hu oh takik doanh nghiệp dahlau diah tok buh jien tame blei taneh riya padang ngak sang daok atau ngak mbang gah karei ye urak ini daok jhul khang bruk buh jien tame blei taneh riya ngak du lịch. Bruk ini nyu ngak brei cakrok patagok biak chreih chrai di darak pasar taneh riya tapen tasik min mbuan ba tal khat lahik. Kadha vak di Nguyễn Tiến angaok harak báo Sài Gòn Giải Phóng hu ndom ka bruk ini:

Số liệu meng Văn phòng negar ka bruk patrun kathaot (mentri Lao động - Thương binh saong Xã hội) brei mboh, thun 2018, tỷ lệ baoh sang kathaot kuhria rah tapa dalam negar daok jaik 5,35%, trun 1,35% dut haong puac thun 2017. Dalam thun 2019, dalam negar patui veik kham merat patrun tỷ lệ baoh sang kathaot kuhria rah tapa 1,5%, ta-eng dom huyện kathaot, xã kathaot trun 4%, baoh sang kathaot urang bangsa takik trun 3 - 4%.

Tỉnh Ninh Thuận hu rilo janih inem krung yau: Baha palei, miếu, sang kakuh, kalan, bimong Cam, sang megik Cam, inem krung sajarah cách mạng; dom labik gheih mekre…Yau nan min, dom thun tapa kayua kurang phun jien, bruk khik ramik daok gaok rilo kan kandah; bruk pachreih urang mai rivang main dom inem krung daok takik.

Kazik lac angan ieu anit ranam bo menuac urang Quảng Nam ieu kiến trúc sư Kazimierz Kwiatkowski – urang negar Ba Lan, (ndih tapui thun 1944 saong palang lahik di thun 1997). Ong lac urang hu labaih 10 thun daok di VN saong abih di nyu nan lac hu sa tukvak suai lavik daok veik di Mỹ Sơn piah tacei pato bruk pasiam dom bimaong klak ini. Kadha vak hadei ini di Hoàng Sơn hu daong ka kol drei thau cambaih jang ka hatai anit ranam saong dom rik daong hu yaom glaong di Kazik brei ka bruk pasiam veik dom bimaong kalan Mỹ Sơn:

Dalam dom harei tabung glong di Cách mạng Bilan 8 thun 1945, Chủ tịch Hồ Chí Minh hu chỉ thị ka Akok Mentri Nội vụ Võ Nguyên Giáp, Mentri pathau khan saong ong Xuân Thủy, sa dalam klau urang jakar ngak praong di Ủy ban Cánh mạng tuk nan di Bắc bộ lac brei samar padang ngak ka pahu Rayo papar sap pakat negar.