Umo 102 thun, ong Đỗ Mười hu labaih 70 thun ngak bruk oh thau glaih glar ka độc lập bangsa, yasa taneh ia, piah ba mai haneim phul ka bhap bini saong bruk cakrok patagok di taneh ia. Yaom lac ngak bruk hagait, meng sa urang pan akaok sa tỉnh, sa khu atau sa bộ, ngành, bloh jeng urang pan akaok glaong abih di Đảng, Karja drei saong dalam tuk padeih bruk bloh, ong Đỗ Mười jeng caik veik dom inem mek biak praong, dom tình cảm hadah hadai, siam mekre dalam bhap bini, dalam dom đồng chí di ong. Kadha vak di urang vak Lại Hoa.

Urak ini, rilo urang ngak nong di xã Cam Phan Hòa, huyện Bắc Bình, t.Bình Thuận biak tari taring ngak mbang, kham merat salih phun pala, thau kuhri kuhria bruk ngak mbang piah paglaong jien mek tame. Meng kham merat duah jalan nao bahrau dalam ngak mbang, piah yam tagok tani tanat raidiuk, tal urak ini, diuk pasang sa-ai Bá Hữu Nhi - Thổ Thị Thép, padang hu bruk pala la-u angaok taneh ngak hamu.

Pathau mikva saong taong abih gauk! Lingiu di bruk ba akaok nao dahlau dalam bruk raong, pato, brei mboh ilamu siam mekre meng kan mai di baoh sang saong xã hội piah jeng menuac jeng urang ka anek taco, urang praong thun di xã Hàm Phú, huyện Hàm Thuận Bắc, tỉnh Bình Thuận daok rik daong ka bruk cakrok patagok kinh tế - xã hội, daong khik tani tanat chính trị di puk palei.

Tín dụng đen urak ini nyu tame tal dom buôn palei atah bayah di Tây Nguyên, biak njauk báo động. Mikva di dom buôn palei nao mesraiy haong yaom jien jung biak glaong ngak ka ralo urang oh ba-yar hu sraiy. Dalam tuk nan, dom tư thương nyu kaya meda samar drah mai meng bruk duah laba meng jien jung glaong di urang kathaot. Ini lac kadha nổi cộm gah kinh tế, xã hội biak mbuan ba tal dom srau kadau ka an ninh trật tự..

Gam haong bhap bani dalam negar saong ayut sahabat angaok dunya, dom urang jakar, urang lin Công an bhap bani biak pandik harao tuk mahit akaok negar Trần Đại Quang, urang dahlau diah pal akaok mentri Công an plang lahik. Dalam bruk lac urang dang Akaok Hội đồng Quốc phòng saong An ninh, pal akaok dom tapon nyom bol pan phao kraong, akaok negar Trần Đại Quang hu caik ralo sangka tal bruk dak padang Công an bhap bani. Lingiu di dom mbang nao trun pasang iek dom jabat chuyên trách dalam lực lượng, lac dom mbang nao rivang, ndom biai abih hatung hatian, gam haong dom panuac pachreih ba saong hatai jia di urang dang akaok Karja tal gah Công an bhap bani.

Dom thun tapa, bruk pakacah gauk ngak bruk naih jioy, lao động sáng tạo di dom jabat, doanh nghiệp dalam tỉnh Bình Dương hu urang jakar, urang ngak bruk karja, urang ngak pachreih tui, ba mai kein laba glaong dalam bruk ngak mbang pablei salih. Di yaok gah, yaok bruk ngak dak harei dak hu mboh ralo kareih camin naih gheih, rik daong biak ralo saong hu kein laba ka bruk ngak di dom jabat, doanh nghiệp. Dalikan di urang pambuak bruk Lê Ánh brei thau ka sa-ai Nguyễn Trọng Tiến, urang ngak di Công ty trách nhiệm hữu hạn Apparel Far Eastern Việt Nam – sa kareih camin urang ngak hadah krah di Bình Dương:

Bruk jah tak glai mek taneh pala thanh long di Khu bảo tồn thiên nhiên Tà Cú, huyện Hàm Thuận Nam, tỉnh Bình Thuận daok rah tabiak veik. Rilo phun glai dalam khu bảo tồn ini daok najuk jah tak, kaoh kageik; gaok mai daok hu menuac cao lubang tuh jru hareik tame piah ngak ka phun glai metai, hadei di nan li-ua taneh piah pala thanh long.