Tame thun bac birau 2019-2020, dom palei hu ralo bhap bini Khmer diukrai di bhum taneh Tây Nam bộ daok peih ngak siam dom sarak buh jien padang ngak birau, pasiam veik sang bac , duk bilik bac, pandap pandar pato bac, piah dak harei dak pabak siam bruk bac da-a, paglaong asar pato megru di bhum urang bangsa takik.

Tuk daok diuk, Chủ tịch Hồ Chí Minh biak sang ka tal bruk pala menuac. Langiu dom mbang ndem meyai tapak di dom sang bac, WaHo hu vak 23 harak thư payua ka gah pato megru. Dalam nan, Wa biak iek praong bruk “ bac nao gam haong ngak” saong labik dang praong di gru pato dalam bruk pato saong bac. Saong urak ini, jalan sahaneng di Chủ tịch HCM daok hu Đảng, Karja, Gah pato megru peih ngak tui meng bruk salih birau taong abih gah, saong bruk praong lac pamoang tal “patao pakai anek manuac Viet Nam di abih gah”.

Thun bac 2019-2020 hu peih tabiak, min di rilo palei dalam taneh ia daok kurang duk bilik bac, pandap bac, dom bilik bac khang kajap hu takik, bilik bac tạm daok ralo. Kayua anek saih tagok ralo dalam tuk jien buh tame padang duk bilik bac hu takik, nan ye bruk trun tal bac saong tagok anek di yaok tal bac daok rah tabiak di dom sang bac dalam thun bac ini, abih di nyu lac di dom ban raya.

Luac rai dang tagok ka bruk peih paha bangsa, peih paha anek menuac, Chủ tịch Hồ Chí Minh tok hu sa caong khin biak praong lac ngak yau habar ka taneh ia drei hu độc lập, rahra drei hu tự do, thei jeng hu haniem phul. Kayua yau nan ye, dahlau di tuk nao atah, dalam Di chúc di Wa, hatai sahneng ka anek menuac saong peih paha anek menuac ndung bak hatai anit ranam praong glaong, 1 triết lý nhân sinh bo Wa buh rilo pren dak padang. Pahadar 50 thun ngak tui Di chúc Chủ tịch Hồ Chí Minh, da-a mikva saong taong abih gauk pang kadha vak di urang vak Lại Hoa hu angan lac: “Hatai sahneng ka anek menuac dalam Di chúc di Chủ tịch Hồ Chí Minh”:

Jaik tame thun bac bahrau 2019-2020, min rilo labik pato di dom bhum urang bangsa takik di tỉnh Bình Thuận jeng daok nanrilo kan kandah. Kadha vak di Đoàn Sĩ – urang vak di rayo sap ndom VN daok di ban raya HCM hu ndom tal bruk ini:

Klak tapa tuyến y tế cơ sở, tagok dom sang iek ruak pakat angaok piah iek saong jru ruak lac bruk meng lavik mai di bhap bini. Kayua yau nan ye, di Ban raya HCM, yaom lac hu padang pabak rilo sang iek ruak min bruk quá tải di dom sang iek ruak daok rah tabiak. Tukvak tapa, gah y tế ban raya pataom tame buh jien ngak balai y tế, salih birau saong pambuak bruk haong sang iek ruak pakat ngaok piah pachreih urang mai iek ruak di labik ini.

Tỉnh Bà Rịa - Vũng Tàu hu 5 huyện, bal tapen tasik lac TP Vũng Tàu, dom huyện Long Điền, Đất Đỏ, Xuyên Mộc saong Côn Đảo. Tukvak tapa, quy hoạch dom đô thị tapen tasik hu tỉnh ini roh duah saong peih ngak samu guak. Yau nan min, Bà Rịa - Vũng Tàu jeng oh ka mek hu yau hatai caong khin nan lac quy hoạch dom bal tapen tasik gam grap tanat cakrok patagok khang kajap, gam ngak jeng kadha biak karei di puk palei. Kadha vak hadei ini di Lưu Sơn, daok di bal ray HCM ndom tal asal kadha ini, daa mikva saong taong abih guak tui pang:

Thưa quí vị và các bạn! Bal raya HCM urak ini hu 48 labik mbuan glut jaleih daok di dom quận huyện yau: Nhà Bè, Cần Giờ, Bình Chánh, Thủ Đức, Bình Thạnh… Dalam tuk nan, bilan hajan ribuk daok mai tal saong bruk glut jaleih daok rah tabiak khang, bal raya HCM daok peih ngak rilo jalan piah pakhang pasiam dom labik glut jaleih. Kadha vak di Hà Khánh – urang vak di rayo sap ndom VN daok di TPHCM brei thau ka bruk nan:

Meng rilo thun ini mai, bilan aia ndik mai, gam ba tui phù sa pasiam ka bruk pala drak gam ba mai rilo janih kaya ikan dalam aia ka bhap bani di bhum taneran kraong CL. Yau nan min, thun ini yam tame bilan 8 blaoh, min aia di kraong Tiền saong kraong Hậu tuk halei jeng daok di tanut biar, dom dhar di 2 baoh kraong ini oh daok aia, ngak kan kandah oh sit tal bruk ngak mbang pala drak, abih di nyu nan lac, ngan haong dom baoh sang luac thun diuk rai ndam gam haong bruk taong mek kaya ikan dalam aia laik tame kan kandah. Kadha vak di Phan Ánh ndom ka bruk ini di dom puk palei daok akaok halau di tỉnh An Giang.

Daok tok jaik sa bilan tra tal Tết Trung thu saong ini jeng lac tukvak darak pasar har trung thu di TP.HCM daok chreih chrai tagok haong rilo janih ahar di rilo angan je karei di guak. Dalam nan hu rilo janih har “handmade”, hu ngak pak sang, yaom pablei lap nan ye hu rilo manuac urang blei mbang. Lệ Hằng, urang vak di rayo sap ndom VN daok di bal raya HCM hu kadha vak ndom ka darak pasar har Trung thu thun ini, gam haong dom suh sah ka bruk oh an toàn janih har “handmade”: