Meng thun 2016, tỉnh Bình Thuận hu ba tabiak bruk lac tal harei 1/7/2019 lac tuk vak puac abih peih bruk paduan ba dom labik ngak kong, tiểu thủ công nghiệp song labik ngak nerak tasuak tabiak truh labik daok di bhap bini. Min tal urak ni tame bilan 10 thun 2019, lac tapa 3 bilan bo oh ka panduan hu labik ngak halei. Anak meta mboh lac, tavak tavaiy ni mai meng gah karja song gah bhap bini. Kadha vak di Văn Thuận – urang pambuak bruk haong rayo sap ndom VN daok di ban raya HCM:

Lac sa pasak kinh tế prong di taneh ia, ban raya Hồ Chí Minh lac labik pablei salih nao mai haong rilo drak pasa dalam song langiu negar. Rilo urang Chăm pak ni sami samar peih prong bruk palei salih piah ngak kaya meda. Bruk yam tagok dalam palei salih di urang Cam dok di ban raya Hồ Chí Minh hu rik dong tame bruk patruh eik patrun kathaot, ba bruk ngak ka yaok ribau urang ngak, rik dong tani tanat an sinh xã hội. Urang kamei doanh nhân Sa Y Dah lac sa dalam dom urang nan, daa mik va song tong abih gauk tui pang tapa kadha vak di Ái Nghiêm yaih khan ka urang kumei doanh nhân ini::

Labaih 40 thun tapa, meng dom roh duah, lang tapa sap Yuan dom tapuk vak ka Thăng Long - Hà Nội, Phó Giáo sư, Tiến sĩ, Nhà giáo Ưu tú Nguyễn Thừa Hỷ hu brei mboh bruk yam tagok khang di gah Hà Nội học. Giải thưởng hu pok brei ka PGS.TS.NGƯT Nguyễn Thừa Hỷ thun ini brei mboh hu sa Ha Noi dahlau diah ngan saong dom yaom glaong ilamu meng kan njauk brei khik ramik, min jeng hu sa Ha Noi biak sami samar, salih birau daok ba pachreih praong dalam tuk yam tame dunya, hadah krah.

Tal urak ini, dalam negar drei taong abih dom sang iek ruak, pasak y tế huyện hu jao brei quyền tự chủ, 215 sang iek ruak eng drei kuhri kuhria jien ndo cai pandar , ralo meng lac dom sang iek ruak đa khoa, chuyên khoa hu XHH yau tim mạch; sang ndih tapui ; sang iek ruak meta, tanye, idung, tarakong…Di mbang langyah brei thau bruk peih ngak tui sarak , hukum ka bruk tự chủ ngan saong sang eik ruak karja kayua Ủy ban ka dom bruk xã hội peih tabiak di mbang nyaom 15 meng blaoh, dom kadha pambuak tal manuac ngak bruk, biên chế, dui pachreih y bac si naih joi tame dom sang iek ruak karja hu biak ralo urang caik hatai sangka.

Oh ka tal sa bilan, hu tal 11 urang tuai metai, lahik tuk menei ia tasik di tỉnh Bình Thuận, bruk nan yau panuac preo khang ka bruk mblung ia tuk menei tasik.

Danak dak “Truac hadah jalan palei”kayua dam dara tỉnh Dak Lak peih ngak lac 1 dalam 50 danak dak praong di dam dara dalam negar Pahadar 50 thun ngak tui Di chúc di Chủ tịch Hồ Chí Minh. Danak dak ndung baksiam mekre, ngak jeng bruk praong, khang dalm urang đoàn dam dara Dak Lak patagok bruk ba kaok nao dahlau halan hatien ngak ka bhap bini, rik daong padang ngak palei pala birau.

Ndam lakhah di urang Cam biak karei, biak mekre, hu khik ramik saong ngak tui mbiah tal harei ini. Dalam bruk likhah caga, urang Cam jeng daok khik ramik rilo adat cambat meng muk kei. Tui nan, meng bruk tui darah gah amaik, nan ye urang kumei Cam nao kuhria pasang saong urang likei mai daok gah sang diuk kumei. Hadei di ini kol dahlak likau khan dom adat cambat dalam bruk likhah caga di urang Cam.

Hu sa bruk mboh di anak meta di urak ini nan lac urang daok ranaih, dalam nan hu rilo sinh viên, daok ba gauk tame peih xe ôm saong jao pandap công nghệ. Tok hu sa sruh radaih patuh mbiah mbiah saong sa baoh phone tangin lac meda tame hu kapul ao hijao, ao bhong, ao kanjik…biak rilo angaok jalan. Ngan saong sinh viên, bruk praong di abih jeng lac bruk bac da-a. Bruk duah sa bruk piah duah jien daong ka bruk bac da-a, njauk caik hatai tal bruk lagaih haong prein yava, oh ngak kan kandah hagait tal bruk bac da-a saong praong jang di abih lac bruk siam mekre salamat ka rup drei. Dom ayut njauk sahaneng kuhria kein laba di anak meta saong suai lavik dalam bruk ngak thêm meng peih xe ôm công nghệ.

Tui bhian randap tuk hu apui khuah, rilo urang bhian nduac tame dauk ala geiy laneing, dauk tame tu atau dalam jaman…bo oh thau lac bruk nan mbuan ba tal metai. Yau nan, drei njauk ngak hagait dalam tuk hu pui khuah piah khik hu salamat ka rup drei? Meng dom ilamu saong panuac pakei di Trung tá Huỳnh Quang Tuyến, Phó trưởng phòng Tham mưu -Cảnh sát Pacang khuah Padam khuah ban raya HCM hu khan dalam kadha vak ala ini, khol dahlak caong khin lac mikva saong grauk ayut dauh hu panuac javap calei: