Hu bruk dong di đồn biên phòng Đăk Dang (Bộ chỉ huy Bộ đội biên phòng tỉnh Đăk Nông), labaih 15 thun tapa, bruk pasiam veik mblang taneh Đăk Huýt, xã Quảng Trực, huyện Tuy Đức hu raong labaih 200 baoh sang urang bangsa takik pak ni. Meng labik lac hu rilo kan kandah, tok cong tame dom asar padai puh, urak ini mikva thau pala padai ia piah patagok rai duik . Kadha vak di urang vak di rayo sap ndom Viet Nam dok di bhum Tây Nguyên ndom ka talei rohim khang kajap di bol bala saong rahra di bhum taneh tapen negar ni:

Ban raya HCM hu yaok rituh darak praong sit tamuh eng di dom quận, huyện. Bruk yak klak darak tamuh eng di ban raya hu ngak meng lavik thun ini mai, min oh njauk lac labik halei jeng ngak hu. Tal urak ini, Quận 1 lac sa dalam dom quận biak takik yah klak hu rilo darak tameh eng hu meng yaok pluh thun. Kadha vak di Thu Hường angaok harak mbao SGGP brei thau ka bruk kham merat di Quận 1 piah bayar veik mbaok meta siam mekre ka pasak ban raya Ho Chi Minh:

Nho lac phun pala tok lagaih di Ninh Thuận, yaom lac oh ka tal 4% abih tih taneh pala drak min phun nho ba mai kein laba meng 15 tal 20% yaom jien mek tame meng bruk pala drak. Kadha vak di Nguyễn Thành angaok harak mbao Tin Tức hu daong ka mikva thau cambaih jang dom jalan daok ngak di tỉnh Ninh Thuận piah paglaong kein laba ka janih phun pala hu brei angan lac “ patao kumei” di bhum taneh bak pandiak saong hangin ini:

Dom harei tapa, di mblang radeih miền Đông, dom labik pablei harak radaih biak joa lange, takik hu tuai damuai. Min, dom hãng radeih chất lượng glong peih nao dom jalan gah kreih negar yau Quảng Nam, Quảng Ngãi, Bình Định… mboh yau dok padauk harak radaih piah pablei yaom glong ka radeih hợp đồng. Tui nan, dom po radeih ni khan lac harak radaih dalam bến hu pablei abih ye, daok harak di radeih pah gah langiu ye hadom jeng hu( ?!). Min yaom harak radeih langiu tuk halei jeng glong jang dut song yaom harak radeih peih dalam mblang radaih. Kadha vak di Quốc Hùng angaok mbao SGGP ndom ka bruk ni:

Di tuk pahadar 15 thun harei peih danak dak papar sap Cam di Rayo sap ndem Việt Nam (1/1/2005-1/1/2020), kol dahlak hu tangi sua Tiến sĩ Phú Văn Hẳn, Phó Viện trưởng Viện Khoa học xã hội vùng Nam Bộ, lac sa dalam dom urang roh duah sap ndom panuac puac ilamu Cam, jeng lac urang hu rilo rik daong ka danak dak, brei thau ka hatai caong di drei:

Piah mek hu jak jeng praong jang thun 2019, Tổng Bí thư, Chủ tịch nước tacei lac, njauk pataom tame peih ngak biak siam 5 kadha praong. Hadei di ini, kol dahlak likau khan tal mikva saong taong abih gauk 5 kadha praong njauk ngak ini:

Harei 1/1/ 2020, Danak dak papar sap Cam di rayo sap ndom VN hu 16 thun (1/1/2005 - 1/1/2020). Tapa 15 thun peih tabiak, Danak dak papar sap Cam hu caik veik rilo kadha kan var hu dalam hatai urang pang rayo. Hu yau nan, meng hu bruk tacei pato di dom pakat urang pan akaok Rayo sap ndom VN, bruk abih drei di dom urang pambuak bruk daok di tỉnh, ban, bruk sangka tui pang saong brei panuac pato pahadar di urang pang rayo atah jaik. Saong piah ka danak dak dang kajap angaok riyak lingik negar dalam 15 thun tapa, daok hu bruk anit ranam bruk ngak, kham merat yam tapa dom kan kandah di dom urang vak, urang lang sap, urang ba danak dak saong kỹ thuật viên hu mbaok tapak tame ngak danak dak. 15 thun tapa, hu dom urang kayua rilo makna karei di gauk nan ye luai padeih meteh dhi, min jeng hu dom urang kak kajap haong danak dak meng harei camereip peih danak dak mbiah tal harei ini. Di tuk pahadar 15 thun papar sap danak dak, kol dahlak likau khan tal mikva saong taong abih gauk hatai sahneng di Đoàn Thụy Sĩ saong Hanipha, lac 2 dalam dom urang hu 15 thun kak kajap haong danak dak papar sap Cam:

Rilo thun ini mai, tỉnh Ninh Thuận tuk halei jeng sangka tal bruk cakrok patagok urang đảng dalam bhum urang bangsa takik, ngak habar ka dom bangsa takik hu urang jakar mbiah ginup hu mbaok tame dom kapul nyaom, cơ quan, jabat dalam hệ thống chính trị meng tỉnh, huyện tal xã. Mai meng nan, thun 2014 tal ini, taong abih dom urang đảng hu kết nạp bahrau dalam tỉnh lac 5.108 urang, dalam nan hu 2.824 urang đảng nan lac urang Cam saong Raglai.

Thun 2019, gah ngak nong gaok rilo kan kandah tuk prein meriak gauk gah kaya nong daok biar, bo daok gaok jit tả pabui Châu Phi pambak praong dalam taneh ia, ngak khat lahik oh ka bhian mboh ka gah raong glang.... Min yam tapa taong abih, gah ngak nong jeng hu tagok khang, pablei tabiak taneh ia langiu tui kuhria mek hu labaih 41,3 tỷ USD, rilo jang 3,5 % dut saong thun 2018, brei mboh bruk kuhria caga drah samar di gah ngak nong:

Meng trách nhiệm glaong saong oh padeih bac megru, Sang iek ruak dã chiến pakat 2 ka 1 hu yam tapa oh thau hadom kan kandah, ngak hu siam dom bruk hu jao brei, paglaong rup binguk hadah mekre di urang lin quân y Việt Nam, Bộ đội Wa Hồ haong ayut sahabat dunya saong Liên hợp quốc. Tapa bruk ngak di Sang iek ruak dã chiến pakat 2 ka 1 hu Liên hợp quốc taong yaom glaong saong hadah mbaok meta hu alin brei Huy chương ka bruk khik ramik hòa bình Liên hợp quốc.