Jit Covid-19 tamuh khang ngak ka rai diuk di dom urang kan kathaot dak glaih glar jang. Dalam kan kandah, di bal raya HCM hu rilo bruk ngak biak hu makna, brei ka manuac sia mboh cambaih jang hatung hatai anit ranam manuac urang labik bhum taneh gah Meraong. Dom dalikan biak drut droi ka hatai daong gauk, klah rabha kan kandah haong gauk daok pambak prong yau pahadar khaol drei thau iek prong dom hagait drei daok hu saong diuk rai siam jang haong bol bhap rah ra.

Dalam 2 mbang dang tagok mesruh dalam suai lavik di bangsa, bhap bini Raglai di huyện Bác Ái sa hatung hatai tui Đảng, tui Wa Hồ nao ngak cách mạng. Dalam 4 urang hu pok brei angan Anh hùng tapon nyom bol pan phao kraong bhap bini dalam huyện Bác Ái, hu 3 urang lac bangsa Raglai. Anh hùng tapon nyom bol pan phao kraong bhap bini Pinăng Tắc lac 1 dalam dom urang nan. Dalikan ka Anh hùng Pinăng Tắc haong jalan taong meng kan di urang Raglai pandar “Dak patau” angaok ceik glaong hu rahra Bác Ái mboh hadah mbaok meta tuk khan veik brei ka anek taco pang saong hu tame dalam sajarah bol bala Việt Nam. Di tuk pahadar 45 thun harei peih paha Ninh Thuận, da-a mikva saong taong abih gauk mai ravang veik huyện bhum glaong Bác Ái piah hadar veik jayah dahlau daih saong gam bui sambaih haong bhap bini Raglai anak dom salih bahrau dalam raidiuk angaok bhum palei urang Anh hung tapa kadha vak di Minh Triều, urang pambuak bruk haong rayo sap ndom Viet Nam:

Piah daong ka rahra gaok kan kandah kayua jit Covid -19, Uy Mban thường vụ Quốc hội njauk hatai ka bruk tabiak dom sarak daong rahra gaok kan kandah kayua jit praong; njauk gauk ka dom jalan daong yau pathau khan di Rajaei. Paok jien daong di Rajaei ba tabiak hu meng kadung jien Trung ương saong sarak xa hoi lac 62 ribau tỷ đồng. Dalam nan, hu caik rilo piah daong ka urang ngak lahik bruk ngak kayua jit ruak. Yau nan min, peih brei paok jien nan yau hlei piah sarak daong ini klak njauk urang pagam pambak tame piah duah kein laba saong daong njauk manuac urang nan lac kadha njauk langyah dalam tuk peih ngak. Phương Thoa urang vak di Rayo sap ndem Viet Nam hu kadha vak khan ka bruk ini:

Meng takai tasik atah 192 km, bhum tasik praong labaih 52.000 km2, Bình Thuận hu labik taong cap ikan biak lagaih, rilo kaya ikan dalam ia, nan ye, ngak mbang gah kaya ikan dalam ia lac bruk ngak mbang khang saong tuk hlei jeng hu labik dang praong dalam bruk ngak kinh tế di tỉnh. Lac sa dalam dom pasak praong ka bruk taong cap ikan, dich vụ duh ka bruk nao taong ikan, cong nghiep raong pala kaya ia, chế biến, công nghiệp ngak kaya ia ikan dalam ia di bhum tapen tasik Nam Trung bộ saong Đông Nam bộ, dalam tuk kan kandah yau urak ini, Bình Thuận brei ngak dom jalan yau halei piah khik kajap bruk siam lagaih gah kinh tế di drei? Kadha vak di Huy Toàn angaok harak mbao Bình Thuận hu ndem ka bruk ini:

Tukvak tapa, mikva daok di rilo palei dalam tỉnh Bến Tre dang anak bruk kurang ia taba biak trak, rilo urang njauk buh jien tabiak meng 100 tal 200 ribau đồng piah blei sa khối ia taba piah pandar. Mboh dom kan kandah nan di dom palei gaok pandiak thu, njom ia mbak, Bộ Tư lệnh Quân khu 9 hu jao brei Cục Hậu Cần, Quân khu samar brei manuac di drei, radaih pajeng ia taba brei saoh ka mikva piah tani tanat raidiuk. Kadha vak di Phạm Hải khan brei thau ka bruk nan:

Gam haong bruk ngak njauk tui dom quy định ka pacang caga jit Covid-19, urang ngak di Bình Dương daok pataom tame bruk pakacah gauk ngak, pambuak haong menuac pandar urang ngak ba gauk yam tapa kan kandah.

Anak bruk jit ruak Covid -19 daok rah tabiak khang, UB bhap bini Ban raya HCM hu tacei pato dom gah, dom quận, huyện patagok bruk pandar dịch vụ công trực tuyến pakat 3, pakat 4. Ini lac bruk ngak siam rik daong tame pacang caga jit, taduan hu bruk taong yaom glaong di bhap bini. Kadha vak di Duy Phương saong Xuân Ngà lac urang vak di Rayo sap ndem Viet Nam daok di TPHCM hu khan ka bruk nan:

Di tỉnh Ninh Thuận, bruk langik pandiak dui atah lavik harei daok ngak ka rilo danao, bingun ia dalam tỉnh thu tal mbat. Bhap bini glaih glar nao duah ia pruh ka phun pala, ia ka athur raong menyum. Karja palei saong gah ngak nong di tỉnh ngak hagait piah daong ka mikva yam tapa kan kandah dalam bilan pandiak bhang? Nan lac asar kadha vak ala ini di Nguyễn Thành, angaok harak mbao Bangsa saong bhum ceik:

Meng ini tal harei 15/4 nan lac tukvak tabung glaong pacang caga jit ruak Covid -19 dalam tỉnh Ninh Thuận jeng yau dalam negar. Langiu di bruk brei padeih dom bruk ngak, kareik pabah mbang dom dịch vụ mbang menyum, ma-in bui sambai, ye bruk pasang iek, khik iek dom labik brei daok karei meda hu dom mban, ngành saong karja puk palei dalam tỉnh sangka . Di palei Văn Lâm 3, xã Phước Nam, huyện Thuận Nam – labik brei daok karei kayua urang ruak 61 saong 67 dương tính haong Covid-19, bruk pacang caga jit jeng yau mong iek tal rai diuk, pren yava ka bhap bani daok hu peih ngak siam.

Hadei di tuk ba tabiak bruk tal taong abih dom dhar kapul di dom sang iek ruak, Kapul Gru jru ranaih umo TPHCM hu caga 200 bác sĩ daok ranaih umo, halan hatian nao iek ruak, pacang caga jit ruak COVID-19. Dalam kadha vak hadei ini, kol drei hu thau jang ka bruk oh sahneng hagait tal rup drei, joa kandang ngak bruk dalam kan kandah glaih glar di dom bác sĩ ranaih umo halan hatian nao pacang jit.