Harei 27/5 anak tal, nyaom roya urang lambaok dom bangsa takik mbang ka III thun 2019 huyện Hàm Thuận Bắc, tỉnh Bình Thuận hu peih tabiak, tal tukvak ini, di dom xã saong dom palei hu rilo bhap bani bangsa takik dalam huyện hu ngak blaoh bruk palih ruah urang lambaok nao hu mbaok di nyaom roya. Ini lac tukvak piah taong yaom kadha ngak hu dalam bruk ngak bangsa saong lac tukvak piah pok meyaom dom kapul nyaom saong manuac sia naih gheih bhum urang bangsa takik dalam huyện. Long Thiệu urang pambuak bruk haong rayo sap ndom VN daok di tỉnh Bình Thuận hu kadha brei thaw:

Peih ngak Chỉ thị ka 05-CT/TW di Bộ Chính trị ka bruk jhul khang bac megru saong ngak tui jalan hadah krah siam mekre di Hồ Chí Minh, dom thun tapa, huyện Ninh Phước, tỉnh Ninh Thuận hu peih ngak siam saong prong dalam. Bruk bac saong ngak tui jalan hadah krah di Wa tapa dom mbang pakacah meng dom bruk ngak cambaih laih, kak kajap haong kein laba di bhap bani daok hu pambak prong. Piah thau jang ka dom bruk ngak hu siam mekre ini, daa mikva saong taong abih gauk pang kadha vak hu angan: “Ninh Phước jhul pakhang bruk bac megru saong ngak tui Wa” di Lâm Anh angaok báo Ninh Thuận di tuk pahadar 129 thun haei menek Chủ tịch Hồ Chí Minh (19/5/1890 – 19/5/2019):

Dom thun jaik di ini, gah y tế Đồng Nai hu buh tabiak rilo jien ndo piah padang ngak meng cơ sở vật chất ilamu kỹ thuật tal anek menuac, yau nan min urang ruak ba tagok iek ruak di dom sang iek ruak praong pak bal raya HCM oh trun. Ngak yau habar pieh patrun bruk urang ruak ba tagok tuyến angaok, abih di nyu lac tuk dom sang iek ruak di labik meda iek ruak hu daok lac kadha caik tabiak ka gah y tế tỉnh ini. Kadha vak di Văn Phong angaok harak báo Sài Gòn Giải Phóng ndom ka bruk ini saong dom jalan ngak piah patrun bruk ba urang ruak tagok sang iek praong di gah y tế Đồng Nai:

Thun 2018, di huyen Tân Châu, tỉnh Tây Ninh, dom chi bộ, đảng bộ cơ sở peih bruk daong ka baoh sang kan kathaot. Langiu di bruk peih ngak dom sarak patrun kan kathaot di karja, taong abih dom cho bộ, đảng bộ cơ sở pambuak bruk saong puk palei, taom gaok tapak, ndom biai saong baoh sang urang kathaot, duah thau hatai caong khin, tabiak jalan daong. Bruk ini, oh lac daong ka bhap bini trun kathaot rilo gah, trun kathaot khang kajap, bo daok brei mboh bruk sami samar, khin sahaneng khin ngak di dom tố chức Đảng.

Đồng Tháp lac tỉnh hu taneh pala pa-ok praong abih di bhum taneran kraong Cuu Long, ngan saong jaik 9.650 ha, hu labaih 127.000 tấn baoh sa thun. Pa-ok hu maong lac sa dalam dom janih phun mbang baoh hu pren khang di tỉnh saong hu palih ruak piah pala veik tui jalan khang kajap. Bharau ini, Đồng Tháp lac tỉnh hu pablei tabiak negar langiu lô pa-ok camereip abih tapa Hoa Kỳ, peih tabiak jalan biak siam…

Yaom lac hu oh ka tal 20% dalam abih tih jaik 1,8 triệu sinh viên di dom negar, min rilo thun tapa, gah pato pakai đại học tư thục di taneh ia drei hu rilo salih birau mboh di anak meta. Tui bruk ngak di dunya, pataom tame dom bruk praong, jak jeng saong salih birau khang nan lac dom hagait đại học tư thục ngak hu blaoh. Bruk bo dom sang bac đại học tư thục mong kok jeng lac bruk taong yaom njauk meng urang bac, meng menuac sia saong dom jabat khik iek. Kayua yau nan ye, dalam jalan cak rok patagok bruk pato pakai đại học Việt Nam tukvak anak tak, urang dang akaok rilo sang bac tư khin brei tah klaak bruk lac công - tư dalam sarak khik iek, daong ba piah ngak jeng labik merak gauk khang kajap jang.

Pandar ma túy daok lac sa bruk daok rah tabiak di dom urang peih radaih jalan atah, rilo mbang radaih paoh, ginuh ngak brei menuac metai rilo mai meng urang peih radaih mebuk matuy, oh thau hagait bo daok peih radaih samar. Pacang cakak urang peih radaih pandar matúy oh lac bruk ngak dalam sa tukvak bloh var klaak bo lac bruk ngak catang, gam gam saong brei hu bruk pambuak gauk di dom jabat chức năng.

Luac rai mesruh ka bruk peih paha bangsa, peih paha anek menuac, Chủ tịch Ho Chí Minh tok hu 1 caong khin praong di abih lac ngak habar ka taneh ia drei hu bebat độc lập, bhap bini drei hu tự do, thei jeng hu haniem phol. Kayua yau nan ye, dahlau tuk plang lahik, Wa Ho oh lac caik veik ka taong abih urang Đảng, urang lin saong bhap bini sa nhân cách praong, sa jalan sahaneng praong, sa bruk ngak praong bo Wa Ho daok hu caik veik harak Di chúc sajarah. Di chúc di Chủ tịch Hồ Chí Minh lac sa văn kiện lịch sử hu hu yaom biak glaong, hu makna lý luận saong bruk ngak biak praong, biak gheih. Pahadar 50 thun ngak tui Di chúc Chủ tịch Hồ Chí Minh, dalam danak dak harei ini, da-a mikva saong grauk ayut tui pang kadha vak di urang vak Lại Hoa hu angan lac:“Yaom glaong di sa Văn kiện sajarah dakrai”:

Anak bruk langik tasik oh lagaih, pandiak bhang tua riya bhian rah tabiak, tỉnh Ninh Thuận hu pachreih ba urang nong dom puk palei dalam tỉnh salih janih phun pala saong cak rok patagok dom janih phun pala diuk hu di pandiak, ba mai kein laba glaong.