Tết Trung thu – ia bulan bak baoh bilan 8, hu maong lac adat cambat di bhap bini ngak hamu ngak apuh saong ilamu nak padai ia. Oh lac di Viet Nam bo di Trung Quoc, Nhật Bản, Hàn Quốc…jeng hu uan raok Trung thu ngan saong rilo adat cambat karei. Tết Trung thu oh lac adat cambat bo daok hu makna ka jalan sahaneng, tapa thun bilan min daok hu bhap bini khik ramik, patagok tamo mbiah tal harei ini.

Jaik 1 thun tapa, radaih Gilang tapuk nao mai di tỉnh Đắk Lắk hu nao tal rilo sang bac saong dom puk palei di bhum atah bayah dalam tỉnh. Meng yaok rabau baoh tapuk, jaik pluh baoh komputer hu pambuak Internet… dak tani tanat dalam radaih, sruh radaih hu rilo janih ini daok rik daong ba ilamu puac tapuk nao jaik jang dom uraniah saong rahra di dom puk palei dalam tỉnh Đăk Lăk. H Xíu, urang vak di rayo sap ndom VN daok di Tây Nguyên hu kadha vak brei thau ka radaih tapuk nao mai ini

Lingiu dom danak dak điện hangin angaok mbaok haluk, angaok pulao, Bình Thuận daok hu prein khang điện hangin langiu tasik. Prein khang ini daok dui pachreih dom menuac urang di dunya buh jien tame ngak mbang. Tui nan, dalam tukvak katut panak, hu 2 danak dak điện hangin yaom yaok pluh tỷ USD angaok bhum tasik Bình Thuận.

Tuk kol Prang mai meblah veik taneh ia drei di puac thun 1945, pabak veik panuac ieu daong taneh ia di Chủ tịch Hồ Chí Minh, lac: “Kol drei taduan lahik taong abih, min oh taduan lahik taneh ia, oh taduan ngak halin halak”, meng gai kreim, to, thong… bhap bini An Phú Đông- sa palei sit daok di tapen kraong Bei Gon, khang hatai dang tagok mesruh pacang kol khamang. Meng bein paneng bhong di An Phú Đông – hu jeng 1 chiến khu Cách mạng. Kadha vak di Văn Phòng angaok báo SGGP brei mboh veik dom harei camereip mesruh metak di bol bala saong rahra Nam bộ, saong brei thau bruk salih bharau mbaok meta An Phú Đông harei ini

Bilan palih ruah ĐH-CĐ thun 2020, hu rilo thí sinh brei thau lac tame bac di dom sang bac đại học tui dom jalan palih ruah oh pandar điểm pakacah tamat THPT saong daok nao tame bac dom tuk bac camereip. Rilo sang bac brei thau, bruk palih ruah tui rilo jalan ngak jak jeng bo oh pambak abih tame điểm pakacah trung học phổ thông yau dom thun dahlau diah lac bruk pasram piah ka dom sang bac peih ngak bruk eng drei dang tabiak palih ruah anek saih.

Sap phao patuh peih mbaok ka bruk mesruh pacang kol thực dân Prang mai meblah taneh ia drei mbang ka 2 di bhap bini Việt Nam hu yava tagok di kreih Bei Gon melam 23/9/1945. Dua harei hadei, meng kreih chiến khu Đồng Tháp, kadha daoh “Nam Bộ kháng chiến” di nhạc sĩ Tạ Thanh Sơn tabiak rai saong dane miat mbiah tal harei ini.

Sóc Trăng lac tỉnh hu rilo urang bangsa Khmer, labaih 30% menuac sia di tỉnh. Tapa peih ngak Danak dak bruk ngak negar ka patrun kathaot khang kajap saong dom sarak bangsa karei karei, raidiuk di mikva Khmer hu siam tagok, dom cơ sở hạ tầng di dom puk palei bhum bhap bini bangsa hu buh jien tame ngak bahrau, ngak pasiam veik. Kadha vak di Thạch Hồng, urang vak di Rayo sap ndom VN daok di bhum taneran kraong CL brei thau ka bruk nan:

Tuk vak jiak di ni, di bhum taneran krong CL yaom pabui patrun khang, min yaom rilaow pabui di dom drak pasa, labik pablei oh trun rilo. Dalam tuk urang rong njauk khat lahik ye urang pablei salih song boh sang pablei salih rilaow pabui hu laba. Kadha vak di nyaom urang vak di rayo sap ndom VN daok di bhum taneran krong Cửu Long hu ndom ka bruk ni, daa mik va song tong abih gauk tui pang:

Pulao Trần (dalam xã Thanh Lân, huyện Cô Tô, tỉnh Quảng Ninh), baoh pulao khik caga gah anak di bhum tasik Đông Bắc di taneh ia bahrau hu điện negar. Dom bilai biến áp trung thế, hạ thế salih ka dom baoh jamriak phát điện nduac meng menyek angaok pulao Trần oh lac bruk kham merat di tỉnh Quảng Ninh dalam bruk dui ka nyu jaik jang dom bhum palei, bo daok lac jalan peih tabiak ka urang lin saong menuac sia daok angaok pulao sahanang hatai kak kajap haong tasik, patagok bruk ngak mbang kinh tế, khik caga quyền ngak po tasik mginreih di taneh ia.