VOV4.Êđê - “Bruă kriê dlăng Tết Nguyên đán kơ mnuih mă bruă mơ̆ng êpul bruă mnuih mă bruă dưi pŏk ngă djăp ênŭm hlăm ai tiê amâo brei hlei mnuih mă bruă amâo mâo Têt. Hlăm gưl Têt nguyên đán Nhâm Dần thŭn anei, bruă kriê dlăng Tết dưi pŏk ngă kƀĭn ti anôk bruă, hŏng ênoh bi liê kriê dlăng kơ mnuih mă bruă hlăm brô 2.400 êklai prăk mơ̆ng prăk kriê pioh mơ̆ng Êpul bruă. Anei jing klei hâo hưn hlăm klei bi kƀĭn hŏng phung čih klei mrâo kyua Khua Êpul hgŭm mnuih mă bruă Việt Nam mkŏ mjing tlam 2/12 ti Hà Nội. Hŏng akŏ “Tết bi hgŭm - Tết êđăp ênang”, bruă kriê dlăng Têt kơ phung mă bruă, mnuih mă bruă thŭn anei mâo gưl êpul bruă mkŏ mjing kƀĭn hlăm anôk bruă nah gŭ leh anăn nao ti dŭm anôk bruă msĕ msi wăl tuh tia mkra mjing), ti dŭm anôk bruă duh nmkra, anôk mâo lu mnuih mă bruă.

H’Zawut pô mblang