Blŭ hrăm mphŭn pŏk klei bi kƀĭn, K’iăng Khua bruă kƀĭn ala Nguyễn Thị Thanh mñă klă, knŏng êbeh 1 mlan, phung bi ala kluôm ala srăng mŭt hlăm knăm mơak prŏng jih jang mnuih ƀuôn sang: Hruê ruah khua phung bi ala Bruă kƀĭn ala gưl XVI, bi ala kơ Êpul gơ̆ng bruă ƀuôn sang dŭm gưl wưng 2026 - 2031. Anei jing klei kđi čar yuôm bhăn mơ̆ng lăn čar, anôk mnuih ƀuôn sang hlue ngă klei dưi leh anăn bruă klam yuôm bhăn, ruah phung bia ala năng bi ala kơ pô čiăng bi mklă bruă yuôm bhăn mơ̆ng ala čar leh anăn alŭ wăl.

Hlăm klei bi kƀĭn, phung mgơ̆ng asei hmư̆ leh phung hưn mdah kơ Bruă kƀĭn ala, hdră ruah khua phung bi ala bruă kƀĭn ala; Klei mkŏ mjing klei thâo ruah boh phŭn hdră ngă bruă pô mgơ̆ng ruah ngă phung bi ala bruă kƀĭn ala; klei hgŭm phung mniê leh anăn mnuih djuê ƀiă hlăm Bruă kƀĭn ala; ngă klei bi blŭ hrăm hŏng anôk bruă klei mrâo leh anăn bruă hâo hưn hlăm klei mtrŭt mjhar ruah khua.