VOV4.Êđê - Hluê si anôk bruă kahan ksiêm êlan klông hlăm phŭn bruă kahan ksiêm, 3 hruê mdei thŭn mrâo mơ̆ng hruê 01/01 truh kơ hruê 03/01, hlăm ala čar mâo 64 klei bi drăm êdeh êdâo, ngă kơ 38 čô djiê leh anăn 35 čô êka. Hlăm ênoh anei, êlan êbat jơ̆ng mâo 63 klei bi drăm êdeh êdâo, ngă kơ 37 čô djiê leh anăn 35 čô êka. Ngă bruă mtrŭt mjhar klei êđăp ênang hlăm êlan klông, klei êđăp ênang yang ƀuôn hlăm wưng knah jih thŭn, thŭn mrâo, Tết Nguyên đán Nhâm Dần leh anăn dŭm hruê knăm yan mnga thŭn 2022, hlăm 3 hruê êgao, kahan ksiêm êlan klông dŭm alŭ wăl ngă leh bruă ksiêm dlăng, hmao ƀuh leh anăn ƀuăh mkra êbeh 19.200 klei ngă soh, bi luč klei êđăp ênang hlăm êlan klông, đŭ prăk êbeh 22 êklai 650 êklăk prăk, mă kơ̆ng êbeh 1.200 pŏk hră djă mgăt êdeh dŭm mta, hlăm anăn klei ngă soh mâo hnơ̆ng côl 812 čô leh anăn 4 čô mgăt êdeh yua matuĭ

Y - Ƀel pô mblang