VOV4.Êđê- Aguah anei, 24/11, ti Hà Nội, klei kƀĭn trông dhar kreh ala čar tui ngă hdră mtrŭn mơ̆ng klei kƀĭn kluôm Đảng tal 13 dưi mkŏ mjing hŏng klei gĭt gai mơ̆ng khua gĭt gai Đảng Nguyễn Phú Trọng. Leh êgao 75 thŭn mkŏ mjing klei kƀĭn dhar kreh ala čar tal 1 (24/11/1946). Klei kƀĭn trông dhar kreh ala čar thŭn 2021 mâo boh tŭ dưn yuôm bhăn, kñăm mkŏ wĭt klei hmăng hmưi djuê ana hlăm ênuk mrâo, kñăm mđĭ kyar hmar leh anăn bi kjăp ala čar. Klei kƀĭn trông srăng mkăp hruê mmông čih yap boh tŭ dưn tui ngă hdră mtrŭn mơ̆ng klei kƀĭn kluôm Đảng tal 12 kơ dŭm bruă hlăm dhar kreh, klei rang mdah…Mơ̆ng anăn bi tŭ ư hdră tă, bruă klam kñăm kơ bruă dhar kreh, klei rang mdah hlăm wưng thŭn 2021-2026, hdră tă truh thŭn 2045. Hŏng klei hmăng hmưi dŭm boh tŭ dưn dưi mâo leh klei kƀĭn anei srăng jing boh kdrŭt mkŏ wĭt klei hmăng hmưi mđĭ kyar ala čar mdrŏng sah, mơak mñai, bi lar klei thâo leh anăn ai ktang hgŭm mguôp djuê ana, bi mguôp klei ai dưi ênuk ară anei.

Pô mblang: Y-Ƀel Êban