VOV4.Êđê- Hruê 24/11, ti Hà Nội, Pô bi ala Alemăng ti Việt Nam Guido Hildner mđup brei leh 75 kdrăp masin bi êwa, 15 Monitor lehanăn 20.000 kdrăp masin ksiêm mkă dlăng hnơ̆ng oxy lehanăn hnơ̆ng êran mơ̆ng kboh kơ Sang êa drao mơ̆ng Sang hră gưl prŏng ksiêm hriăm bruă mdrao mgŭn Hà Nội. Kdrăp mnơ̆ng bruă mdrao mgŭn anei mâo ênoh hlăm brô 21 êklai prăk, hlăm brô 825.000 Euro. Blŭ hrăm ti knăm anei, Pô bi ala Alemăng ti Việt Nam Guido Hildner brei thâo “Hŏng bruă đru kơ kdrăp mnơ̆ng mdrao mgŭn anei, ala čar Alemăng čang hmăng hrăm mbĭt hŏng Việt Nam mdrơ̆ng hŏng klei ruă tưp”. Êlâo anăn, hlăm mlan 9, Alemăng đru leh kơ Việt Nam giăm 3 êklăk 500 êbâo aruăt vaccine Astra Zeneca./.