VOV4.Êđê- Khua knŭk kna mrâo ba mdah asăp mtrŭn mtă kơ dŭm Phŭn, dhar bruă, alŭ wăl rơ̆ng kjăp klei êđăp ênang êlan klông hlăm wưng Têt Dương lịch, Têt Djuê ana Nhâm Dần lehanăn Knăm m’ak yan mnga thŭn 2022. Asăp mtrŭn mtă kơ Dhar bruă răng mgang klei êđăp ênang ala čar, dŭm phŭn, dhar bruă, dŭm êpul bruă kđi čar – ala ƀuôn lehanăn Anôk bruă sang čư̆ êa dŭm čar, ƀuôn prŏng hlăm gưl dlông hluê hŏng klei dưi, bruă klam, gĭt gai lehanăn mkŏ mjing hluê ngă dŭm hdră msir kñăm mtô mblang, hưn mthâo klei kčah mtrŭn djŏ hdră bhiăn, ktrâo lač kơ hdră rơ̆ng kjăp klei êđăp ênang lehanăn gang mkhư̆ klei ruă Covid 19 tơdah kơ mnuih ƀuôn sang găn êrô hlăm êlan klông; Mkŏ mjing hdră hiu suang dlăng, ksiêm dlăng, msir mghaih klei ngă soh klei kčah mtrŭn hlăm bruă răng mgang klei êđăp ênang êlan klông mơ̆ng hruê 15/12/2021 truh kơ jih hruê 14/02/2022; čih mkra hdră ngă bruă hlăm wưng Têt hat djŏ guôp; ksiêm dlăng dŭm anôk bruă êlan klông nah gŭ; mâo hdră kah mbha êpul, kdrăp mnơ̆ng, êa drao gŭn mprăp dŏng mdrao mnuih mâo klei truh hlăm êlan klông, bi hrŏ tuič hnơ̆ng klei truh jhat tơdah mâo klei truh hlăm êlan klông./.

Pô mblang: H’Nêč Êñuôl