VOV4.Êđê- Khua phŭn bruă Lŏ hma lehanăn mđĭ kyar krĭng ƀuôn sang mrâo hưn mdah Asăp mtrŭn mtă kơ Khua anôk bruă snag čư̆ êa dŭm čar, ƀuôn prŏng hlăm gưl dlông mkŏ mjing leh Hdră bruă “Têt pla kyâo hdơr nanao kơ Awa Hô” ƀri yan mnga Nhâm Dần lehanăn mđĭ bruă răng mgang, mđĭ kyar dliê thŭn 2022. Hluê anăn, bruă mtrŭt mjhar hdră “Têt pla kyâo” klă sĭt, tŭ dưn, rơ̆ng kjăp klei kčah mtrŭn “Hdĭp êđăp ênang, djŏ guôp, ksiêm dlăng tŭ dưn klei ruă Covid 19”, mjing klei găl kơ dŭm anôk bruă, êpul êya, sang hră, êpul kahan lehanăn jih jang mnuih ƀuôn sang nao hgŭm hlăm bruă pla ana kyâo, pla dliê; gĭr bi mâo mta kñăm pla ana kyâo đĭ hĭn ƀiă êdi 20% mkă hŏng boh tŭ hluê ngă thŭn 2021 hluê si hdră kčah mơ̆ng Phŭn bruă Lŏ hma – mđĭ kyar krĭng ƀuôn sang mâo hưn mdah hŏng Khua knŭk kna./.

                                                    Pô mblang: H’Nêč Êñuôl