VOV4.Êđê- Tlam hrue (10/12) ti Hà Nội, Phŭn bruă lŏ hma hgŭm kjăp hŏng “Êpul mlih mrâo hlăm klei mbruă hlăm lŏ hma prŏng hĭn tar rŏng lăn” pia klah čŭn CGIAR hrăm mbĭt mkŏ mjing klei bi kƀĭn online kơ djăp hdră mđĭ hĭn klei hgŭm anăp truh kơ klei mđĭ kyar kjăp. Blŭ hrăm ti anôk bi kƀĭn, k’iăng khua phŭn bruă lŏ hma Lê Quốc Doanh lač, Việt Nam mâo leh klei bi mđĭ hlăm dŭm thŭn êgao, boh nik hlăm dŭm bruă mđĭ kyar lŏ hma. Thŭn 2020, khădah hmăi amâo mâo jăk mơ̆ng klei ruă tưp Covid 19 ƀiădah bruă čhĭ mnia hŏng ala tač êngao boh mnga bruă lŏ hma mâo êbeh 43 êklai dolar, đĭ truh êbeh 14% mkă hŏng wưng anei thŭn dih, lehanăn đăo knăl srăng kdlưn hĭn ênoh kčah kơ kluôm thŭn. Čiăng mŭt hlăm sa wưng mđĭ kyar mrâo hŏng lu klei dleh dlan, lehanăn klei lông dlăng, Phŭn bruă lŏ hma čang hmăng tŭ mă mâo klei đru, klei đru mơ̆ng phung bi đru, dŭm êpul bruă tač êngao, boh nik jing êpul bruă ksiêm duah kơ lŏ hma CGIAR./.

Pô mblang: Y-Khem Niê