VOV4.Êđê - Čar Lạng Sơn mrâo mâo klei bi klă bi hrŏ lu mta ênoh yua bruă mkŏ mkra hlăm dŭm ƀăng jang knông lăn, bi hrŏ ênoh ênil dŭm mta ti ƀăng jang knông lăn Tân Thanh čiăng đru kơ dŭm knơ̆ng bruă ba čhĭ mnơ̆ng dhơ̆ng. Truh kơ ară anei, ênoh êdeh êdâo mdiăng mnơ̆ng dhơ̆ng ba čhĭ dôk đuôm ti ƀăng jang knông lăn čar Lạng Sơn jing 4.200 boh êdeh, hlăm anăn mâo êbeh 2.900 êdeh mdiăng boh kroh mtah, dôk đuôm ti ƀăng jang knông lăn Tân Thanh.

Ti anăp klei anei, čiăng đru gui klei dleh dleh hŏng dŭm knơ̆ng bruă, pô mgăt êdeh, čar Lạng Sơn mâo klei bi klă mdrao amâo mâo mă prăk kơ phung mgăt êdeh tơdah tăm djŏ COVID-19 leh anăn lŏ bi hrŏ ênoh ênil dŭm mta bruă hlăm dŭm ƀăng jang knông lăn. Klă klơ̆ng, bi hrŏ ênoh yua dŭm mta bruă mkŏ mkra, dŭm bruă mkăn hlăm alŭ wăl ƀăng jang knông lăn ti čar Lạng Sơn.

Y -Ƀel pô mblang