VOV4.Êđê- Lŏ dơ̆ng hdră klei bi kƀĭn mdê hjăn, aguah anei 6/1, ti 10 Êpul ti Sang bruă kƀĭn ala leh anăn 62 êpul ti alŭ wăl, phung bi ala bruă kƀĭn ala bi trông kơ Hdră bhiăn mkra mlih, mbŏ dŭm mta mơ̆ng Hdră bhiăn duh bi liê knŭk kna, Hdră bhiăn duh bi liê hluê hdră bi hgŭm knŭk kna, Hdră bhiăn bi lông rŭ mdơ̆ng, Hdră bhiăn pui kmlă, Hdră bhiăn duh mkra, Hdră bhiăn ba čhĭ mdê hjăn, Hdră bhiăn phat mkra kđi yang ƀuôn. Kơ bruă mkra mlih, mbŏ dŭm mta mơ̆ng 8 hdră bhiăn kñăm mâo klei bhiăn djăp ênŭm kơ dŭm hdră êlan mơ̆ng Đảng leh anăn hmao msir mgaih dŭm klei dleh dlan, gun kpăk mâo hlăm boh sĭt. Tlam anei, phung bi ala ăt bi trông hlăm êpul kơ: Hdră êlan duh  bi liê Hră bruă rŭ mdơ̆ng êlan dơ̆ng êran pral Dưr- Dhŭng nah Ngŏ wưng thŭn 2021-2025 leh anăn Hră čih Hdră mtrŭn lông ngă dŭm klei bhiăn, hdră êlan mđĭ kyar ƀuôn prŏng Cần Thơ.

Pô mblang: H’Zawut Ƀuôn Yă