Hlăm klei kƀĭn, êngao kơ bruă bi klă boh tŭ klei ba čhĭ braih thŭn 2025, hdră tă mkra mlih klei ba čhĭ braih thŭn 2026 leh anăn hlăm wưng kơ anăp. Bi kơ anôk mnia mblei braih hlăm 2 mlan akŏ thŭn 2026, Philippines lŏ jing anôk blei braih lu hĭn mơ̆ng Việt Nam, mâo 55% braih ba čhĭ hlăm kluôm ala, mâo 711.264 tôn, đĭ 30% mkă hŏng wưng anei thŭn dih. Dôk tal 2 jing China, mâo 14% ênoh braih ba čhĭ mơ̆ng Việt Nam, mâo 178.165 tôn, đĭ êbeh 143% mkă hŏng wưng anei thŭn 2025.

Mĭn tĭng mơ̆ng mlan 3 klei ba čhĭ braih mơ̆ng Việt Nam truh kơ dŭm anôk mnia mblei srăng hmăi kyua klei bi blah ti krĭng Msăt boh lăn, mbĭt anăn ênoh dŭ mdiăng hlăm lăn čar đĭ mơ̆ng 20.000 - 30.000 hlăm sa tôn braih, klei ba čhĭ mơ̆ng dŭm ala čar msĕ si Thailand, India, Pakistan, mdiê lu hlăm wưng buh pla yan puih mnga 2025 - 2026 mŭt hlăm wưng puôt wiă.