Anei jing klei hưn mâo Phŭn bruă Lŏ hma wăl hdĭp mda lehanăn Phŭn bruă kahan ksiêm ba mdah ti anôk bi kƀĭn pŏk hdră ksiêm mkă, mkra hră kak lăn, bi mklă lăn ala, mkra hră lăn mđrăm mbĭt hŏng kdrăp mrô ala čar klei kơ lăn ala dưi mkŏ mjing ti Hà Nội. Hluê si klei hưn mơ̆ng Phŭn bruă Lŏ hma wăl hdĭp mda, Hdră 90 hruê mlam ngă bruă, bi kjăp mrô ala čar klei kơ lăn ala mâo leh Phŭn bruă Lŏ hma wăl hdĭp mda lehanăn Phŭn bruă kahan ksiêm mkŏ mjing mơ̆ng hruê 1/9-30/11/2025 dưi ngă leh hŏng êbeh 62,49 êklăk kdrăn lăn hlăm kluôm ala.

Anei jing tur knơ̆ng mrô “Djŏ, klă” kñăm mkăp kơ hdră mlih mrô lehanăn kriê dlăng lăn ala tŭ dưn. Khua Phŭn bruă Lŏ hma wăl hdĭp mda Trần Đức Thắng brei thâo, bruă pŏk ngă hdră ksiêm mkă, mkra hră kak lăn, bi mklă lăn ala, mkra hră lăn mđrăm mbĭt hŏng kdrăp mrô jing bruă klam phŭn hlăm hdră bi mlih mrô ala čar, boh nik hlăm bruă kriê dlăng lăn ala./.