VOV4.Êđê- Ƀri bi hdơr 39 thŭn hruê nai mtô Việt Nam, 20/11, aguah hruê 19/11, Knơ̆ng bruă Sang hră m’ar mtô bi hriăm čar Dak Lak mkŏ mjing leh knăm mđup brei anăn knăl nai mtô êdah kdlưn lehanăn bi mni kơ gru mngač êdah kdlưn, phung nai mtô kdlưn hĭn thŭn hriăm 2020-2021. Thŭn hriăm 2020 - 2021, khădah hmăi mơ̆ng klei ruă Covid 19 ƀiădah anôk bruă sang hră m’ar mtô bi hriăm čar mâo leh dŭm boh tŭ dưn năng čih yap. Hnơ̆ng tŭ hdră mtô bi hriăm dưi krơ̆ng kjăp lehanăn mkra mđĭ, mâo 41 čô hđeh mâo mă klei pah mni hđeh hriăm thâo gưl ala čar, Dak Lak lŏ dơ̆ng ba akŏ dŭm čar krĭng Dhŭng kwar Krah lehanăn Lăn dap kngư.

Ƀri gưl anei, hŏng klei dưi brei mơ̆ng Khua lăn čar, phung khua kiă kriê čar Dak Lak mđup brei leh anăn knăl nai mtô kdlưn hĭn kơ nai Nguyễn Ngọc Thái – nai mtô Sang hră gưl tlâo Chuyên Nguyễn Du, ƀuôn prŏng Ƀuôn Ama Thuôt, čar Dak Lak, mđup brei Medai ngă bruă mrô tlaoa, hla čhiăm gru mơ̆ng knŭk kna, Hră pah mni mơ̆ng Khua knŭk kna, Hră pah mni mơ̆ng Phŭn bruă Snag hră m’ar mtô bi hriăm kơ mnuih lehanăn êpul êya mâo boh tŭ kdlưn hĭn hlăm hdră bruă mtô bi hriăm./.

Pô mblang: H’Nêč Êñuôl