VOV4.Êđê- Dak Lak dôk êmưt hlăm bruă mlih mơ̆ng Zero Covid jing hdĭp êđăp ênang hŏng klei ruă tưp, anăn jing klei bi klă mơ̆ng nai prĭn Cao Hưng Thái, K’iăng khua kiă kriê anôk bruă ksiêm mkă, mdrao mgŭn, khua êpul ngă bruă mơ̆ng phŭn bruă mdrao mgŭn hlăm klei mă bruă hŏng bruă sang čư êa čar Dak Lak. Bi kơ bruă tlŏ mgang vaccine, čar Dak Lak tŭ mă leh 13 gưl vaccine mơ̆ng phŭn bruă mdrao mgŭn hŏng jih jang giăm 1 êklăk 700 êbâo hnơ̆ng vaccine, truh kơ ară anei dưi tlŏ mgang leh 1 êklăk 500 êbâo hnơ̆ng vaccine, hlăm anăn aruăt tal 1 mâo 90,9% ênoh mnuih ƀuôn sang mơ̆ng 18 thŭn kơ dlông, leh ênŭm 2 aruăt mâo giăm 21,1%.

Blŭ hlăm klei mă bruă anăn, nai prĭn Cao Hưng Thái gĭt gai kơ čar Dak Lak mkŏ mjing dŭm hdră êlan hdĭp êđăp ênang hŏng klei ruă tưp, iêo mthưr phung ngă bruă mdrao mgŭn êngao knŭk kna nao hgŭm, hnưm ngă bruă ksiêm dlăng, mdrao kơ F0 ti sang, mkŏ mjing êpul hiu mdrao mgŭn, mkŏ mjing anôk krŭ wĭt ai ktang, mđĭ hnơ̆ng ksiêm mkă kman hŏng kdrăp RT- PCR. Leh anăn mtrŭt mjhar mnuih ƀuôn sang lŏ ngă jăk 5 klei mtă mơ̆ng phŭn bruă mdrao mgŭn.

Pô mblang: Y-Ƀel Êban