VOV4.Êđê- Aguah 8/12, Klei bi kƀĭn tal dua, Êpul gơ̆ng kơ mnuih ƀuôn sang čar Dak Lak gưl X, wưng thŭn 2021-2026 mphŭn pŏk. Thŭn 2021 jing thŭn tlă anăp hŏng lu klei dleh dlan lông dlăng kyua klei ruă Covid-19 ngă. Khădah, mjưh ruê̆ thŭn 2021, Dak Lak mâo 8 hnơ̆ng kčah dưi ngă leh anăn êbeh hdră kčah, hnơ̆ng đĭ kyar bruă duh mkra ti hnơ̆ng jăk (đĭ 5,1% mkă hŏng wưng anei thŭn êlâo); hrui wĭt prăk knŭk kna leh anăn iêô mkrum prăk duh bi liê kluôm ala êbeh hdră kčah, mĭn tĭng hrui wĭt mâo êbeh 8000 êklai prăk (đĭ 10% mkă hŏng hdră mĭn tĭng mơ̆ng Êpul gơ̆ng mnuih ƀuôn sang jao); ênoh anôk bruă mnia blei lŏ wĭt ngă bruă đĭ lu, mkăp mnơ̆ng dhơ̆ng ti čar dưi rơ̆ng, bruă mtô bi hriăm, kriê dlăng klei suaih pral, êđăp ênang ala ƀuôn, đru kơ mnuih ƀuôn sang tuôm hŏng klei dleh dlan kyua Covid-19 dưi mđĭng dlăng hluê ngă…

Nguyễn Đình Trung, Khua hlăm bruă Đảng gưl dlông, Khua hlăm bruă Đảng gưl dlông čar Dak Lak mtă: Hlăm wưng kơ anăp, dŭm gưl, dŭm dhar bruă, alŭ wăl lŏ dơ̆ng ktuê dlăng klei gĭt gai mơ̆ng Gưl dlông hlăm jih jang bruă čiăng pŏk ngă tŭ dưn Hdră mtrŭn Klei bi kƀĭn Đảng kluôm ala tal XIII leh anăn Hdră mtrŭn Klei bi kƀĭn Đảng čar tal XVII. Boh nik kƀĭn hluê ngă bi jăk, tŭ dưn Hdră mtrŭn mrô 128 thŭn 2021 mơ̆ng Knŭk kna.

Pô mblang: H’Zawut Ƀuôn Yă