VOV4.Êđê - Aguah hruê 26/11, Knơ̆ng bruă Lŏ hma mđĭ kyar krĭng ƀuôn sang čar Dak Lak mkŏ mjing leh knăm mtrŭt mjhar pla ana kyâo đru răng mgang wăl hdĭp mda mnơ̆ng dhơ̆ng, bi hrŏ klei truh jhat mơ̆ng yan adiê ngă, bi hrŏ klei hmăi amâo jăk mơ̆ng klei bi mlih yan adiê. Ti knăm anei, phung bi ala lehanăn êpul bruă đoàn viên êdam êra čar Dak Lak pla leh 100 ƀĕ ana êgiêr jŭ mơ̆ng 3m kơ dlông ti 7 ktuê êlan hlăm ƀuôn prŏng Ƀuôn Ama Thuôt.

Anei jing sa hdră bruă kñăm pŏk ngă Hdră mtrŭn Klei bi kƀĭn bruă Đảng čar Dak Lak tal XVII wưng thŭn 2020-2025, hŏng mta kñăm hnơ̆ng luôm dliê ti čar Dak Lak mâo mŏng 40-42%. Hluê anăn, kluôm čar brei dưi pla 10.085 ha dliê, hlăm anăn: Pla ana kyâo mtah êyui 1.000 ha; Pla dliê mgang dkŏ êa 365 ha; Pla dliê pla mjing 8720 ha. /.

H’Nêč pô mblang