VOV4.Êđê- Tlam hruê 19/11, Dhar bruă mặt trận čar Dak Lak tŭ mă leh 1 êklai 500 êklăk prăk mơ̆ng dŭm êpul êya đru kơ hdră gang mkhư̆ klei ruă Covid 19, mâo 1 êklai 200 êklăk prăk lehanăn 1 êbâo hnư êa drao đru dŏng mdrao mnuih ruă Covid 19 mâo ênoh 300 êklăk prăk. Dhar bruă mặt trận čar Dak Lak brei thâo, ară anei klei ruă Covid 19 ti čar dôk mâo dleh dưi ksiêm dlăng hlăk ênoh mnuih ruă đĭ nanao hlăm grăp hruê, tĭng jih jang mâo leh êbeh 6.600 čô ruă, hlăm anăn mâo giăm 2.500 čô dôk mdrao.

Hŏng dŭm klei đru mơ̆ng êpul êya bruă, Anôk kriê dlăng bruă mặt trận gưl čar srăng kah mbha bi knar hdră đru lehanăn bi hgŭm hŏng Knơ̆ng bruă mdrao mgŭn mkăp kơ dŭm anôk bruă mdrao mnuih ruă Covid 19 lehanăn dŭm boh sang êa drao kñăm rơ̆ng mâo djăp êa drao gŭn mdrao kơ mnuih ruă Covid 19 hlăm čar./.

Pô mblang: H’Nêč Êñuôl