VOV4.Êđê- Mă klei blŭ kơ bruă mprăp klei bi kƀĭn mjêč bruă kƀĭn ala gưl 15, Dhar bruă gĭt gai bruă kƀĭn ala mñă bi mâo djăp hnơ̆ng kjăp, djŏ hŏng klei čiăng snăn kơh mkŏ mjing klei bi kƀĭn. 4 boh phŭn tui si tĭng ba mdah kơ bruă kƀĭn ala ti anôk bi kƀĭn mjêč, mâo: Hdră čih mkra klei bhiăn lŏ mlih mrâo, thiăm mbŏ dŭm mta mơ̆ng đa đa klei bhiăn, hdră rŭ mkra êlan dơ̆ng prŏng Dưr – Dhŭng nah Ngŏ wưng thŭn 2021 – 2025, hră mơ̆ng knŭk kna ba mdah kơ klei bhiăn, hdră êlan ngăn prăk čiăng lŏ kơrŭ wĭt bruă duh mkra, čih mkra hdră mtrŭn bi hmô kơ dŭm klei bhiăn, hdră êlan mđĭ kyar ƀuôn prŏng Cần Thơ. Khua phŭn bruă, khua adŭ bruă knŭk kna Trần Văn Sơn brei thâo: 4 boh phŭn mâo leh djăp klei găl ba mdah hŏng bruă kƀĭn ala. Ti anôk bi kƀĭn, Khua bruă kƀĭn ala Vương Đình Huệ mtă kơ knŭk kna lehanăn dŭm anôk bruă hlăm bruă kƀĭn ala bi mguôp kjăp sa ai. Leh dhar bruă gĭt gai Bruă kƀĭn ala, lehanăn knŭk kna mâo klei bi tŭ ư prŏng, ba mdah kơ bruă kƀĭn ala srăng mâo klei bi tŭ ư prŏng. Blŭ hrăm mjưh ruĕ gưl tal sa klei bi kƀĭn tal 6, Khua bruă kƀĭn ala brei thâo: Dhar bruă gĭr gai bruă kƀĭn ala bi tŭ ư hdră mkŏ mjing klei bi kƀĭn mjêč gưl 15, siămdah brei mâo hnơ̆ng kjăp kơ jih jang bruă ba mdah hŏng bruă kƀĭn ala./.

Pô mblang: Y-Khem Niê