VOV4.Êđê- Lŏ dơ̆ng hdră klei bi kƀĭn tal 6, aguah 10/12 brei klei blŭ kơ hdră mtrŭn duh bi liê Hdră mkŏ mjing êlan dơ̆ng êran pral Dưr- Dhŭng nah Ngŏ wưng 2021-2025, Dhar bruă kƀĭn ala mtă bi nik leh anăn mblang lu hĭn kơ hdră duh bi liê kơ hdră bruă hluê si gru hmô 4 grông êlan 24,75 m mkă hŏng hnơ̆ng 4 êlan grông mâo 17m čiăng rơ̆ng klei êđăp ênang tŭ dưn hlăm hdră pŏk ngă. Dhar bruă kƀĭn ala bi tŭ ư hưn mdah hŏng bruă kƀĭn ala ksiêm dlăng bi mklă hdră duh bi liê kluôm Hdră bruă hŏng klei duh bi liê knŭk kna.  Mbĭt anăn dăp hdră kčah duh bi liê knŭk kna wưng man dưn čiăng dăp prăk bi liê hlăm hdră kčah wưng man dưn hluê ngă hdră bruă êlan dơ̆ng êran pral Dưr - Dhŭng nah Ngŏ wưng thŭn 2024-2025. Hưn mdah hŏng bruă kƀĭn ala jao klei dưi kơ Dhar bruă kƀĭn ala ksiêm dlăng, bi mklă hdră mtrŭn ba yua hdră yua dliê mơ̆ng hdră bruă hlăm klei hưn mdah ksiêm hriăm dưi hluê ngă.

 Ăt hlăm hruê 10/12, Dhar bruă kƀĭn ala brei leh klei blŭ mguôp kơ bruă mprăp klei bi kƀĭn mdê hjăn mơ̆ng Bruă kƀĭn ala gưl 15.

Pô mblang: H’Zawut Ƀuôn Yă