VOV4.Êđê -  Dhar bruă kiă kriê bruă hâo hưn Gưl dlông mrâo mkŏ mjing knăm mđup brei klei pah mni kơ klei yuôl mdah rup gưl ala čar kơ dŭm bruă êa ksĭ, plao ksĭ hŏng anăn pia “Lăn čar ti djiêo êlah êa poh yă”. Klei bi lông anei jing sa hlăm dŭm bruă kđĭ čar, bruă yang ƀuôn bi mđĭ ai phung mă rup, mnuih khăp bruă mă rup, dưi mâo leh lu mta rup mrâo.

Hlăm giăm 6 êbâo pŏk rup ba bi lông, Êpul mkŏ mjing mnâo ruah leh êbeh 121 pŏk rup dưi mŭt hlăm gưl bi lông knhal tuič, lehanăn mpŭ mni lehanăn mđup brei klei pah mni 2 klei pah mni mrô sa, 4 mta klei pah mni mrô 2, 6 klei pah mni mrô 3, 10 klei pah mni bi mđĭ ai. Blŭ hrăm ti anôk mđup brei klai pah mni, Khua kiă kriê bruă hâo hưn gưl dlông Nguyễn Trọng Nghiã lač, mơ̆ng klei bi lông anei mđĭ leh klei myưng m’ang kơ djuê ana, mâo ai tiê thâo khăp kơ lăn čar, mâo klei thâo săng đua klam kơ klei dưi êngiê, lăn ala êa djuh pô, lŏ sa blư̆ dơ̆ng bi lar, mđĭ hĭn ai tiê thâo khăp, knhuah klei mĭn mơ̆ng grăp čô mnuih hlăm lăn čar./.

Y-Khem pô mblang