Thŭn 2025, hdră hiu čhưn ênguê Gia Lai hlăk đĭ kyar hŏng êbeh 12 êklăk čô tuê, đĭ êbeh 17% mkă hŏng thŭn êlâo, ênoh hrui wĭt hlăm brô 29.000 êklai prăk. Thŭn 2026, Gia Lai gĭr drông 15 êklăk čô tuê hiu čhưn, đĭ 21% mkă hŏng thŭn 2025, ênoh hrui wĭt mơ̆ng bruă hiu čhưn ênguê mâo 35.000 êklai prăk. Čiăng dưi mâo mta kñăm anei, mbĭt hŏng hnơ̆ng đĭ thŭn 2025, čar srăng duh kơ anôk bruă nah gŭ, anôk đih đăm, mđĭ hnơ̆ng thâo mnuih mă bruă hiu čhưn ênguê.

Nguyễn Thị Kim Chung, Kơiăng khua knơ̆ng bruă Dhar kreh, mjuăt ktang asei mlei lehanăn hiu čhưn ênguê čar Gia Lai brei thâo, thŭn hiu čhưn ênguê 2026 ti Gia Lai dưi mtrŭt mđĭ mơ̆ng 155 hdră bruă, hlăm anăn mâo 21 hdră bruă mâo Phŭn bruă Dhar kreh, mjuăt ktang asei mlei lehanăn hiu čhưn ênguê mkŏ mjing, 34 hdră bi hgŭm, hŏng dŭm čar, ƀuôn prŏng lehanăn 10 hdră mâo čar gĭr gai mkŏ mjing./.