Ênoh anei dưi lač hlăm klei bi kƀĭn kluôm bruă ksiêm dlăng thŭn 2025, pŏk ngă bruă klam thŭn 2026 mơ̆ng bruă Dhar kreh, mjuăt asei mlei leh anăn hiu čhưn ênguê čar Dak Lak. Hiu čhưn ênguê Dak Lak mâo knhuang bi mlih ktang hŏng ênoh hrui wĭt thŭn 2025 đăo tĭng mâo êbeh 13.600 êklai prăk, êbeh 8% hdră kčah. Hnơ̆ng tue mâo êbeh 7,3 êklăk gưl, đĭ êbeh 16% mkă hŏng hdră kčah. Kluôm čar ară anei mâo 782 anôk dôk jưh, đĭ 34 anôk mkă hŏng thŭn 2024, mjing tur knơ̆ng čiăng kơ hiu čhưn ênguê grăp knhuang jing bruă duh mkra yuôm bhănh mơ̆ng alŭ wăl.

Thŭn 2026, čar Dak Lak bi mklă lŏ dơ̆ng mđĭ lar bruă klam dhar kreh hlăm klei mkŏ mjing anak mnuih leh anăn wăl hdĭp mda ala ƀuôn kjăp ktang; kƀĭn mprăp klei găl mkŏ mjing Klei bi lông mjuăt asei mlei dŭm gưl; pŏk ngă tŭ dưn Thŭn hiu čhưn ênguê čar Dak Lak 2026, mơ̆ng anăn mjing boh kdrŭt kơ klei đĭ kyar  bruă duh mkra leh anăn mđĭ kyar kjăp hlăm wưng mrâo.