Gia Lai mkŏ mjing hdră mđung rup Countdown Tết Dương lịch 2026
Thứ hai, 10:34, 29/12/2025
Pô mblang: Y -Ƀel Êban
Pô mblang: Y -Ƀel Êban
VOV.Êđê - Tŭ drông thŭn mrâo 2026, mlam hruê 31/12 anăp anei, čar Gia Lai mkŏ mjing hdră mđung rup ti mmông anăn mtam Countdown Tết Dương lịch 2026, mkŏ mjing wăl anôk hơ̆k mơak, bi lar ai tiê bi mguôp leh anăn klei hmăng hmưi đĭ kyar mơ̆ng mnuih ƀuôn sang alŭ wăl.
Hŏng akŏ “Kuč mngač ai tiê - mkŏ klei thâo bi khăp”, hdră mkŏ mjing hŏng klei mđung rup ti mông anăn mtam ti 2 anôk jing wăl tač Nguyễn Tất Thành (ƀuôn hgŭm Quy Nhơn) leh anăn wăl tač Đại Đoàn Kết (ƀuôn hgŭm Pleiku), mkŏ mjing wăl kdŏ mmuñ dưi hŏng mjing siam hŏng klei bi hmô “Kuč mgač ai tiê”, bi mguôp hŏng klei kdŏ mmuñ mrâo mrang, ăng pul pui leh anăn tivi led prŏng.
Hŏng dŭm mta bruă tŭ drông thŭn mrâo, čar Gia Lai hmăng hmưi mkŏ mjing gru kruăk dhar kreh - hiu čhưn ênguê, hưn mdah rup krĭng lăn leh anăn anak mnuih ti krĭng, mbĭt anăn mkŏ mjing ai êwa, boh krŭt mrâo kơ thŭn 2026 - thŭn Gia Lai mprăp mkŏ mjing Thŭn hiu čhưn ênguê ala čar.
Viết bình luận