Mơ̆ng anăn mjing hnơ̆ng kơ čar lŏ dơ̆ng mđĭ ktang dŭm bruă ngă mđĭ kyar, hưn mdah, lar bra hĭn ênoh yuôm dhar kreh djuê ƀiă ti alŭ wăl. Hlăm gưl 1 thŭn anei, čar Dak Lak drông leh 700 êbâo gưl tue giu čhưn, hlăm anăn mâo êbeh 16.500 gưl tue ala tač êngao.

Ênoh hrui wĭt mơ̆ng hiu čhưn ênguê jing êbeh 600 êklai prăk, đĭ giăm dua blư̆ mkă hŏng wưng anei thŭn êlâo. Klei êdah êdi mjing klei đĭ kyar kơ bruă hiu čhưn ênguê alŭ wăl hlăm wưng êgao jing Knăm mơak kphê leh anăn klei bi hdơr 50 thŭn mblah dưi Ƀuôn Ama Thuôt, mtlaih êngiê čar Dak Lak. Lŏ čuê klei tŭ dưn, Dak Lak pŏk ngă lu bruă hưn mdah hiu čhưn ênguê; mđĭ lar klei mdah čing čhar grăp gưl 2 blư̆ sa mlan, mkŏ mjing klei bi lông mjuăt asei mlei  hnơ̆ng krĭng wăl leh anăn kluôm ala, gĭr bi mrâo mrang mnơ̆ng dhơ̆ng hiu čhưn ênguê.