Klei rang mdah hưn mthâo hŏng mnuih ƀuôn sang 4 kdrêč boh phŭn yuôm bhăn kơ Klei bi blah Hồ Chí Minh hƀuê ênuk, leh anăn lŏ hưn mdah hră mơar kơ Khua gĭt gai Hồ Chí Minh hŏng bruă mtlaih êngiê kwar Dhŭng, hluh lir lăn čar, mbĭt hŏng boh tŭ êdah êdi mơ̆ng ƀuôn prŏng HCM hlăm dŭm thŭn êgao.

Klei rang mdah mơ̆ng hruê 8/4 truh jih hruê 20/5, jing sa hlăm dŭm bruă ngă phŭn bi hdơr 50 thŭn hruê mtlaih êngiê kwar Dhŭng, hluh lir lăn čar (30/4/1975 - 30/4/2025), đru mtô bi hriăm knhuah gru krŭ kdơ̆ng, ai tiê khăp kơ ala čar kơ phung knuă druh, lĭng kahan leh anăn mnuih ƀuôn sang, boh nik phung mda asei, đruu mkŏ mjing lăn čar mdrŏng sah. Hlăm wưng mkŏ mjing klei rang mdah, lu bruă ngă dưi mkŏ mjing msĕ si jhĭt hla čhiăm gru, mnơ̆ng ƀơ̆ng phung kahan ƀuôn hlăm ênuk bi blah…