Hruê knăm dhar kreh dŭm djuê ana čar Gia Lai thŭn 2025 mĭn tĭng mâo êbeh 700 čô thâo mbruă ti 17 kdriêk, wăl krah leh anăn ƀuôn prŏng hlăm čar. Wăl knăm mơak bŏ hŏng êa mil dhar kreh hŏng dŭm mta bruă bi êdah klei hdĭp aguah tlam yang ƀuôn, rang mdah kdrăp čŭt hơô djuê ana, klei kdŏ mmuñ, mnơ̆ng ƀơ̆ng huă leh anăn dŭm klei hlăp lêñ knhuah gru, dŭm mta mnơ̆ng jăk mơ̆ng alŭ wăl msĕ si kphê, kpiê čeh, điŏ brông, kđeh čĭm ăm…đru hưn mdah kơ klei kpal leh anăn klei jơr dhar kreh mơ̆ng mnuih ƀuôn sang  dŭm djuê ana hlăm čar.

Pô thâo mbruă Nay Ka ti Bon Phu Ama Nhuer 2, să Ia Rtô, wăl krah Ayun Pa brei thâo: thŭn anei, êpul phung thâo mbruă Ayun Pa mâo 46 čô hlăm dŭm klei rang mdah msĕ si tông čing, pơ̆k mñam, nao hgŭm hlăm dŭm klei hlăp lêñ đưm.