Hdră mkŏ mjing mmăt hruê 14/5 ti Sang kdŏ mmuñ prŏng Hà Nội, bi êdah klei hdơr knga êlam snăk leh anăn klei khăp yuôm bhăn mơ̆ng mnuih ƀuôn sang kluôm ala hŏng Khua gĭt gai Hồ Chí Minh -Khua gĭt gai prŏng, Pô jhŏng ktang mtlaih êngiê djuê ana, Pô ngă bruă dhar kreh ksiêm dlăng êdah êdi.

Mơ̆ng klei kdŏ mmuñ jăk siam, hdră bi mklă bruă klam hƀuê ênuk, hnơ̆ng klei mĭn leh anăn mnơ̆ng kriê pioh prŏng snăk mơ̆ng Khua gĭt gai Hồ Chí Minh brei kơ klei krŭ kdơ̆ng Việt Nam leh anăn kơ hdră mđĭ kyar djuê ana. Hdră kdŏ mmuñ dưi mbha jing 3 kdrêč mơ̆ng rup sa čô hđeh Nguyễn Sinh Cung hlăk điêt bŏ hŏng klei čang hmăng; Dŭm knhuang Ñu găn djăp krĭng lăn ala duah êlan mtlaih êngiê ala čar; Rup Awa Hồ ti krah klei hdĭp grăp hruê, ală dlăng hŏng klei khăp, kƀông tlao êmhač hŏng mnuih ƀuôn sang, lĭng kahan…, jih jang dưi lŏ mkŏ mjing jăk siam mơ̆ng klei bi mguôp kdŏ mmuñ leh anăn mnơ̆ng dhơ̆ng mơ̆ng phim rup, ngă kơ phung dlăng mgei ai tiê.