VOV4.Êđê- Hlue ngă asăp mtrŭn mơ̆ng khua knŭk kna kơ bruă mdrơ̆ng hŏng angĭn êbŭ Rai, yap mơ̆ng hrue 17/12, dŭm čar, ƀuôn prŏng ti alŭ wăl kwar Krah kăm ghă ktang phĭt jih jang hô̆ mran, hô̆ pui kbiă hiu hlăm êa ksĭ, wăt hô̆ mran hiu ktuê hang ksĭ. Ƀuôn prŏng Đà Nẵng kăm ghă leh jih jang hô̆ mran kbiă hiu, dăp hô̆ mran hlăm anôk dôk kdê ti Thọ Quang, lehanăn hlăm dŭm anôk hô̆ mran kdê mkăn... Mơ̆ng 12h yang hrue dơ̆ng hrue 17/12, Knơ̆ng bruă kiă kriê kahan răng mgang knông lăn čar Quảng Nam lehanăn dŭm kdriêk, wăl krah, ƀuôn prŏng ktue hang ksĭ kăm ghă jih jang hô̆ mran kbiă hiu hlăm êa ksĭ. Lehanan iêo wĭt jih jang hô̆ mran ăt adôk hlăm êa ksĭ wĭt kơ hang hŏng klei pral, lehanăn tiui duah anôk kdê hŏng klei êđăp ênang. Mâo leh êbeh 50 gưl hô trah ma kan hŏng hlăm brô 500 čô mnuih trah mă kan dŭm čar Quảng Nam; Quảng Ngãi, Bình Định, Phú Yên lehanăn Khánh Hoà mŭt hlăm anôk kdê ti dŭm boh plao ksĭ Song Tử Tây, lehanăn Sinh Tồn, kdriêk trường Sa čiăng ñĕ đuĕ kơ angĭn êbŭ Rai./.

Pô mblang: Y-Khem Niê