VOV4.Êđê- Lŏ dơ̆ng hdră bi kƀĭn mdê hjăn, aguah hruê 6/1, bi trông ti êpul, Êpul bi ala anôk bruă kƀĭn ala čar Dak Lak mđing bi trông kơ Hdră bhiăn mkra mlih, thiăm mbŏ dŭm mta klei hlăm Hdră bhiăn Duh bi liê knŭk kna, Hdră bhiăn Duh bi liê bi hgŭm knŭk kna – êngao knŭk kna, Hdră bhiăn Duh bi liê, Hdră bhiăn ruah anôk bruă rŭ mdơ̆ng, Hdră bhiăn bruă Pui kmlă, Hdră bhiăn anôk bruă duh mkra, Hdră bhiăn Jia, Hdră bhiăn hluê ngă klei phat mkra sowil hluê si klei bi kƀĭn kčah mtrŭn leh.

Phung bi ala anôk bruă kƀĭn ala čar Dak Lak tŭ ư hŏng bruă mkra mlih, thiăm mbŏ dŭm mta klei hlăm 8 hdră bhiăn anei srăng dưi bi êdah klă hlăm dŭm hdră êlan mtrŭn mơ̆ng Đảng, pral msir mghaih klei dleh dlan, gun kpăk hlăm klei mâo sĭt. Đru mguôp klei blŭ kơ Hdră bhiăn Duh bi liê knŭk kna, Y Vinh Tơr, Khua êpul bi ala anôk bruă kƀĭn ala čar Dak Lak tŭ ư hŏng 3 mta klei brei mkra mlih, khă snăn ñu ăt mtă brei mđing dlăng hĭn kơ bruă kah mbha gưl, klei dưi lehanăn klei đua klam hŏng hdră bruă mâo prăk duh bi liê ODA./.

Pô mblang: H’Nêč Êñuôl