VOV4.Êđê- “Lŏ dơ̆ng mđĭ ktang pŏk ngă tŭ dưn dŭm hdră msir gang mkhư̆ klei ruă Covid-19, mbĭt hŏng klei krŭ wĭt leh anăn mđĭ kyar bruă duh mkra- ala ƀuôn ti alŭ wăl, mâo hdră msir phŭn čiăng hơĭt ênoh, hơĭt anôk ba čhĭ leh anăn đru msir mgaih kơ bruă mkra mjing, mnia blei mơ̆ng anôk bruă duh mkra leh anăn mnuih ƀuôn sang… jing dŭm bruă klă klơ̆ng mâo phung bi ala čar Dak Lak lač hlăm Klei bi kƀĭn bi tuôm hŏng phung bi ala kơ mnuih ƀuôn sang leh Klei bi kƀĭn tal 2, Bruă kƀĭn ala gưl XV hŏng Êpul bi ala bruă kƀĭn ala čar Dak Lak hlăm hruê mbruê 18/11.

Kyua klei ruă Covid-19 dleh ktuê dlăng, Klei bi kƀĭn bi tuôm hŏng phung bi ala kơ mnuih ƀuôn sang ti Dak Lak mkŏ mjing hluê hdră online mơ̆ng anôk mkŏ phŭn ti anôk bruă Êpul gơ̆ng kơ mnuih ƀuôn sang čar truh kơ dŭm alŭ wăl. Ti anôk bi kƀĭn, phung bi ala mđing dlăng leh anăn mâo lu klei blŭ djŏ tuôm kơ bruă mđĭ ktang hdră gang mkhư̆ klei ruă Covid-19, mbĭt hŏng klei krŭ wĭt leh anăn mđĭ kyar bruă duh mkra ala ƀuôn ti alŭ wăl, kčah dŭm hdră msir phŭn hĭn čiăng hơĭt ênoh, hơĭt anôk čhĭ mnia leh anăn đru ruh mgaih klei dleh dlan kơ bruă mkra mjing, mnia blei mơ̆ng anôk bruă duh mkra leh anăn mnuih ƀuôn sang ti anăp klei hmaĭ mơ̆ng klei ruă Covid-19.

Pô mblang: H’Zawut Ƀuôn Yă