VOV4.Êđê- Tlam mbrue (30/11), êpul ngă bruă mrô 138 mơ̆ng Phŭn bruă kđĭ čar mâo Trương Thị Mai, Khua êpul bruă mkŏ mjing gưl dlông djă akŏ ngă leh bruă hŏng Êpul bruă Đảng bruă kƀĭn ala kơ boh tŭ dưn klei kiă kriê, gĭt gai bruă ksiêm duah, tui hriăm, bi kjăp, lehanăn hâo hưn hlue ngă hdră mtrŭn klei bi kƀĭn prŏng Đảng kluôm ala 13. Khua bruă kƀĭn ala Vương Đình Huệ, jing khua bruă Đảng hlăm bruă kƀĭn ala kiă kriê mmông mă bruă. Blŭ hrăm hlăm klei bi kƀĭn anei ñu bi myuôm klei čih mkra klei hâo mdah mơ̆ng êpul ksiêm dlăng, lehanăn lač, bruă ksiêm dlăng mâo ba wĭt leh klei tŭ dưn jăk, mơ̆ng anăn mâo klei thâo săng hĭn kơ bruă mkŏ mjing Đảng, hlăm adŭ bruă Kƀĭn ala. Bruă ksiêm dlăng đru leh kơ êpul bruă Đảng hlăm êpul thâo săng klă hĭn kơ dŭm bruă leh dưi ngă, lehanăn mâo klei mđĭ ai pioh mghaih msir hlăm wưng kơ anăp./.

Pô mblang: Y-Khem Niê