VOV4.Êđê- Aguah hruê 4/1, čar Gia Lai mkŏ mjing leh Knăm hluê ngă bruă klam tui duah, hrui mƀĭn klang kleh phung kahan ba anăp lehanăn phung thơ̆ng kơ bruă Việt Nam săn asei, djiê êngiă hlăm ênuk bi blah ti Campuchia, yan bhang 2021-2022. Nao hlăm gưl tui duah, hrui mƀĭn, ba wĭt klang kleh phung kahan djiê êngiă gưl anei mâo 62 čô knuă druh, lĭng kahan hlăm Êpul K52, Knơ̆ng gĭt gai lĭng kahan čar Gia Lai, dưi kah mbha 3 êpul, nao tui duah ti 3 čar, mâo čar Preah Vihear, Stung Treng lehanăn Ratanakiri, ala mtao Campuchia.  Dưi thâo mơ̆ng thŭn 2001, truh kơ ară anei, Êpul K52 čar Gia Lai duah hrui mƀĭn, ba wĭt leh 1.428 klang kleh phung kahan djiê êngiă wĭt kơ lăn ba dơr ti Wăl msat kahan djiê êngiă kdriêk Đức Cơ, čar Gia Lai./.

                                                    Pô mblang: H’Nêč Êñuôl