VOV4.Êđê - Anôk gĭt gai hdră gang mkhư̆ klei ruă Covid 19 čar Gia Lai ba mdah leh Hdră kčah kriê dlăng mnuih ruă Covid 19 mâo klei bi êdah amâo ktrŏ, mnuih lŏ djŏ kman Sar CoV2 leh mdrao hlao lehanăn mnuih bi tuôm giăm F1 ti anôk dôk. Klă klơ̆ng, ti klei bi mklă mơ̆ng Anôk gĭt gai hdră gang mkhư̆ klei ruă Covid 19 čar Gia Lai hưn: Mơ̆ng mlan 10 thŭn 2021 truh kơ ară anei, mnuih ƀuôn sang dôk ti dŭm čar mkăn čŏng čiăng wĭt kơ čar đĭ lu ngă kơ anôk bi ktlah mklin sa anôk lu, F0 đĭ pral. Gia Lai mkŏ mjing leh 2 boh sang êa drao jing jai mdrao F0, ƀiădah ăt bŏ mnuih.

Hluê si hdră kčah, Gia Lai srăng mdrao mnuih F0 lŏ tưp djŏ klei ruă dưi bi ktlah ti sang tơdah amâo mâo dŭm klei bi êdah ktrŏ, mnuih tlŏ leh 2 aruăt vaccine gang mkhư̆ Covid 19. Mnuih mơ̆ng 1 truh kơ 50 thŭn, amâo mâo klei ruă ktrŏ, amâo ba tian. Bruă kriê dlăng ti anôk dôk hŏng F0 lŏ djŏ klei ruă leh mdrao hlao dưi hluê ngă mơ̆ng hruê 1/12/2021, hŏng F0 amâo mâo klei bi êdah dưi ba yua tơdah čar mâo mơ̆ng 5 êbâo čô ruă kơ dlông./.

H’Nêc pô mblang