Hluê si Hdră msir lăm sang dôk êjai, sang tĭ ƀrôč mơ̆ng Knŭk kna, čar Dak Lak srăng đru sang dôk kơ 4.285 gŏ sang, hŏng ênoh giăm 343 êklai prăk. Êngao anăn, čar Dak Lak ăt đru mkra mđĭ sang kơ êbeh 1.120 gŏ sang. Hdră anei mâo Anôk bruă kahan ksiêm čar Dak Lak gĭt gai, bi hgŭm hŏng bruă knŭk kna alŭ wăl hluê ngă mơ̆ng mlan 3 lehanăn srăng ngă leh hlăm krah mlan 8/2025. Leh êbeh 2 hruê kăm pŏk ngă Hdră msir lăm sang dôk êjai, sang tĭ ƀrôč, čar Dak Lak rŭ mdơ̆ng leh êbeh 1.000 boh sang, tĭng srăng ngă leh hlăm mlan 4 ti anăp.

Dŭm hdră adôk srăng dưi mtrŭt mđĭ lehanăn ngă leh êlâo kơ hruê 15/8/2025. Krông Bông jing sa hlăm dŭm kdriêk taih kbưi, ƀun êdi mơ̆ng čar Dak Lak, gưl anei, kdriêk mâo 513 gŏ sang dleh dlan kơ sang dôk dưi mdơ̆ng sang mrâo, hŏng ênoh prăk duh êbeh 41 êklai prăk; 96 boh sang mkăn dưi đru 2,88 êklai prăk čiăng lŏ mkra mđĭ pưk sang./.