Hlăm giăm 1.900 gŏ sang ti čar Kon Tum tlaih leh mơ̆ng klei hdĭp hlăm dŭm boh sang dôk êjai, sang tĭ ƀrôč mâo êbeh 1.400 gŏ êsei mâo mdơ̆ng leh sang mrâo leh anăn êbeh 400 gŏ sang mâo mkra mđĭ pưk sang. Gŏ sang amai Y Lan ti ƀuôn Kon Jri Xút, să Đăk Blà, ƀuôn prŏng Kon Tum jing gŏ sang mâo mă sang dôk tal êlâo hlăm ênoh 1.400 boh sang mơ̆ng Hdră lăm lui sang tĭ, ƀrôč kyua Phŭn bruă kahan ksiêm pŏk ngă ti čar Kon Tum.

Kluôm čar Kon Tum mâo 2.752 boh sang tĭ, ƀrôč čiăng mkra mrâo đru kơ gŏ êsei ƀun, gŏ êsei mâo klei hdĭp dleh dlan hơĭt anôk hdĭp mda. Êngao kơ giăm 1.900 boh sang mkra mrâo, mkra mđĭ dưi bi leh, čar Kon Tum lŏ mâo hdră kčah truh jih mlan 6 kơ anăp, srăng bi leh giăm 870 boh sang adôk.