Hlăm mlan êdam êra thŭn anei, phung êdam êra čar Dak Lak mkŏ mjing leh giăm 300 êpul ngă bruă, mkra leh 268 hdră bruă; pŏk ngă dŭm êtuh bruă mkŏ mkra krĭng ƀuôn sang mrâo leh anăn ƀuôn prŏng jăk siam, răng mgang wăl hdĭp mda, mdrơ̆ng hŏng klei bi mlih yan adiê.

Phung mda asei Dak Lak mkra leh 29 km hdră “Kuč mngač êlan knông lăn”, “Kuč mngač êlan ƀuôn sang”, mkŏ mjing 218 êpul ngă bruă đru kơ mnuih ƀuôn sang yua bruă mrô hŏng êbeh 2.600 čô êdam êra, mkŏ mjing klei hâo hưn, mtô kơ mnuih ƀuôn sang yua bruă knŭk kna online… Klei êdah êdi hlăm dŭm bruă ngă phung mda asei Dak Lak jing gru hmô “Lăm lui sang tĭ, ƀrôč”, iêô mkrum êbeh 1,3 êklai prăk leh anăn giăm 1.400 hruê ai mă bruă čiăng mkra mrâo 32 boh sang đru kơ phung êdam êra leh anăn phung hđeh mâo klei hdĭp dleh dlan./.