Bruă bi mklă ktuê êlan êa ksĭ ti krĭng Kplang kwar Dưr kñăm hluê ngă klei dưi lehanăn bruă klam mơ̆ng Việt Nam hluê si klei kčah mtrŭn mơ̆ng Klei kuôl kă Êpul hgŭm lu ala čar kơ Hdră bhiăn Êa ksĭ thŭn 1982 (UNCLOS) lehanăn djŏ guôp hŏng Hdră bhiăn Êa ksĭ Việt Nam thŭn 2012. Êlan anei yua čiăng tĭng mkă boh prŏng êa ksĭ Việt Nam hlăm krĭng Kplang kwar Dưr dưi bi mklă hluê klei kčah mtrŭn mơ̆ng UNCLOS, djŏ guôp hŏng klei mâo mơ̆ng lăn êa mơ̆ng krĭng Kplang kwar Dưr lehanăn amâo hmăi truh kơ klei kuôl kă mâo Việt Nam nao hgŭm.

Êlan êa yua čiăng tĭng mkă boh prŏng êa ksĭ Việt Nam hlăm krĭng Kplang kwar Dưr jing tur knơ̆ng čiăng bi mklă kdriêl lăn êa mơ̆ng krĭng ksĭ Việt Nam hluê si klei kčah mtrŭn mơ̆ng UNCLOS lehanăn Klei kuôl kă bi mklă krĭng Kplang kwar Dưr plah wah Việt Nam lehanăn China mâo bi mklă hlăk thŭn 2000, mjing tur knơ̆ng djŏ hdră bhiăn čiăng răng mgang lehanăn hluê ngă klei dưi kiă kriê, klei dưi bi mklă mơ̆ng Việt Nam, mkăp kơ hdră mđĭ kyar bruă duh mkra, kriê dlăng êa ksĭ lehanăn mtrŭt mđĭ hdră bi hgŭm lu ala čar./.