Hlăm dŭm thŭn êgao knuă druh kahan răng mgang knông lăn čar Kon Tum mâo ngă leh lu klei bi hmô hlăm bruă đru mnuih ƀuôn sang mđĭ kyar klei hdĭp mda. Mơ̆ng thŭn 2025 truh kơ ară anei hlăm dăl knông lăn mâo êbeh 292km bi knông hŏng ala čar Lào lehanăn Campuchia, kahan knông lăn Kon Tum lŏ mđrăm mbĭt đru bi rŭ mdơ̆ng lehanăn mkra wĭt sang dôk kơ mnuih ƀuôn sang.

Amâo mâo djŏ knŏng đru ai tiê lehanăn prăk kăk mbĭt hŏng bruă sang čư̆ êa hlăm klei čiăng bi pral dưi bi leh bruă anei, kahan knông lăn lŏ đru lu hĭn. Msĕ si prăk mơ̆ng lĭng kahan bi mguôp, mbĭt hŏng phung duh mkra, phung thâo bi đru kñăm čiăng mâo mdơ̆ng sa boh sang hŏng ênoh mơ̆ng 85, 90 êklăk prăk kơ dlông.